الحياة في كايرو
النهارده في القاهرة: “جاوي باند” وحفل كاريوكي وعرض فيلم خيال علمي
بواسطة
Cairo 360
الضحك واللعب وروقان الدماغ هم اللي بيخلوا اليوم يعدي. ودول بييجوا من خروجة حلوة.. يلا نعرف خروجات النهاردة من أجندة كايرو 360:
مركز مكان هيستضيف حفلة غنائية لـ “جاوي باند“. الفريق بيقدم أغاني مختلفة ومميزة. وبيمزج معاها الشعر. ده غير الأغاني التراثية اللي بيتميز بها. الحفلة هتبدأ الساعة 8 مساءً. وسعر التذكرة: 40 جنيه.
غني وطلع مواهبك مع أصحابك، في حفلة كاريوكي في رووم آرت سبيس. الحفلة هتبدأ الساعة 8 مساءً. وسعر التذكرة: 50 جنيه.
مركز سيماتك للأفلام في وسط البلد، هيعرض فيلم “Upstream Color“. الفيلم بيدور في إطار من الخيال العلمي، عن راجل وست مش بيكبروا في السن. وده بيحطهم في أحداث ومشاكل مختلفة. العرض هيبدأ الساعة 4 مساءً. وسعر التذكرة: 15 جنيه.
صباحكم سعيد.
