النهارده في القاهرة: بكل بساطة.. هتفرفش مع فرقة بساطة
Cairo 360
الوقت الحلو بيعدي بسرعة، فحاول دايمًا تقضيه مع الناس الصح. يلا جمع أصحابك وحبايبك واستعد لوقت حلو هتقضيه معاهم، لما تعرف الجديد في أجندة كايرو 360:
نبدأ من ساقية الصاوي وحفلة هتحييها فرقة “بساطة” على مسرح النهر. بمناسبة احتفال مبادرة ميدياتوبيا (مبادرة خاصة بتدريب الصحفيين) بعيد ميلادها الثالث. الحفلة هتبدأ الساعة 7 مساءً. سعر التذكرة: 30 – 50 – 100 جنيه.
سيما دكة في دكة أضف، هتعرض الفيلم الإيطالي “Perfect Strangers”. اللي بيدور عن مجموعة من الأصدقاء بيتجمعوا بعد فترة طويلة من الغياب عن بعضهم. وحد منهم بيقترح إنهم يقروا كل الرسايل ويردوا على تليفوناتهم قدام بعضهم. ويشوفوا الأسرار اللي مخبيها كل واحد. العرض هيبدأ الساعة 7 مساءً. والدخول مجانًا.
أما نادي السينما في البوابة الثقافية في الدقي، هيعرض الفيلم الإيطالي “The Salesman”. الفيلم بيدور عن زوج وزوجة بيضطروا يغيروا مكان إقامتهم. ويسكنوا في مكان جديد، بيتعرضوا فيه لعدد من المشاكل. الفيلم ده حصل على جايزة أوسكار أحسن فيلم أجنبي. العرض هيبدأ الساعة 6 مساءً.
الأغاني الشعبي وأغاني التراث لها مود خاص. سيد ركابي وفرقته هيعيشونا في المود ده بمجموعة من أغاني الجعافرة اللي هيقدموها في مكان. الحفلة هتبدأ الساعة 8 مساءً. سعر التذكرة: 30 جنيه.
ماتنسوش، الانبساط هو أهم حاجة عندنا.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
