النهارده في القاهرة: الفنان محمد الحلو على المسرح الكبير بدار الأوبرا
Cairo 360
مهرجان الموسيقى العربية لا زالت فعالياته مستمرة في مسارح دار الأوبرا، المهرجان اللي بدأ دورته الخامسة والعشرين يوم الاثنين 31 أكتوبر الماضي لسه مكمل معانا بفعاليات يومية لحد يوم الأحد الجاي 13 نوفمبر، وفي كل يوم من أيامه بيقدم لنا وجبة فنية تهنينا زمن!
النهارده ضمن فعاليات المهرجان هيستضيف مسرح معهد الموسيقى العربية برمسيس ليلة مميزة هتضم حفل لفريق "مقامات" من تونس، وفاصل غنائى للفنان سعيد عثمان من مصر بمصاحبة فرقته الموسيقية، الليلة هتبدأ في تمام الثامنة مساءً، وسعر تذكرة الحضور 50 جنيه.
أما عريس الليلة وكل ليلة من ليالي المهرجان فهو المسرح الكبير بدار الأوبرا اللي هيستضيف النهارده سهرة لأصحاب المزاج التقيل هتضم العديد من الفقرات لفنانين كبار من مختلف دول الوطن العربي، ابتداءً من الفاصيل الموسيقي الغنائي للفنان اللبناني: جهاد عقل، ومرورًا بفقرة الفنان المغربي: فؤاد زبادى والفاصل الغنائي للفنانة الأردنية: نداء شراره، وانتهاءً بفقرة الفنان المصري الكبير: محمد الحلو بمصاحبة فرقة الحفنى للموسيقى العربية بقيادة المايسترو : هشام نبوى، السهرة برضه هتبدأ في تمام الثامنة مساءً، وأسعار تذاكر حضورها 100، 200، 350 جنيه.
يارب تنبسطوا.
مقترح
فن وثقافة
شبابيك بتطل على القاهرة.. مشروع فني لتوثيق ملامح العاصمة وقت الغروب
Frames of Cairo القاهرة +4
الحياة في كايرو
