النهارده في القاهرة: الفالنتين لسه مكمل مع حنان ماضي في الأوبرا
Cairo 360
صباح الجمال والحب الفرفشة على ناس القاهرة الحلوين. الويك إند بيقرب ولسه آثار الفالنتين باينة في الأجواء. فتعالوا نبص كده أجندة كايرو 360 فيها إيه من الجو ده:
نبدأ مع الصوت الملائكي الجميل، صاحب أروع الأغاني الرومانسية في العشرن السنة اللي فاتت، الفنانة حنان ماضي. اللي هتحيي حفلة غنائية مميزة على المسرح الصغير في دار الأوبرا المصرية. الحفلة هتبدأ الساعة 8 مساءً. وسعر التذكرة: 75 جنيه.
مود الرومانسية والحب مكمل معانا في حفلة أوركسترا الساقية الوتري، على مسرح الحكمة في ساقية الصاوي. واللي هاتقدم الفرقة من خلالها مجموعة من أغاني الحب. الحفلة هتبدأ الساعة 7 مساءً. وسعر التذكرة: 25 – 30 جنيه.
الزار من الأشكال الموسيقية اللي بتحتل فيها المرأة دور أساسي. وأكتر حاجة بتميزه إنه عاش بعيد عن كل عوامل التأثر والتأثير، فاستمر بدون تغيير. فرقة مزاهر هتقدم عرض الزار في مكان النهارده الساعة 8 مساءً. سعر التذكرة: 40 جنيه.
سينما دال في جاردن سيتي هاتعرض فيلم “Naked”. وبيدور عن حياة رجلين مهووسين بالجنس. واحد بيسعى لإيذاء النساء جسديًا. والتاني بيحاول يكتشف تجارب جديدة في الحياة. العرض هيبدأ الساعة 7:30 مساءً. الفيلم للكبار فقط والدخول مجانًا.
يا رب تنبسطوا.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
