النهارده في القاهرة: الأغاني هتسمعها.. وكمان هتغنيها مع أصحابك
Cairo 360
مفيش حاجة بتخلينا نكمل وسط تعب كل يوم، غير شوية الضحك والفرفشة بتوع أي خروجة. دي خروجات النهارده اللي هتخليكم مفرفشين، من أجندة كايرو 360:
فرقة “يلا نغني” هتقدم حفلة غنائية، على مسرح قاعة الحكمة في ساقية الصاوي. الفرقة غير هادفة للربح، وبتقدم دخل حفلاتها للمشروعات الخيرية. الحفلة هتبدأ الساعة 8 مساءً. وسعر التذكرة: 25 – 30 جنيه.
نادي البوابة الثقافية في الدقي، هيعرض الفيلم الإيطالي “Perfect Strangers“. الفيلم بيدور عن 7 أصحاب بيتجمعوا على العشاء مع بعض. ولما بيقرروا يفتحوا الرسايل والإيميلات الخاصة بكل واحد، بيكتشفوا حاجات غريبة لأول مرة. العرض هيبدأ الساعة 7 مساءً. والدخول مجانًا.
رووم آرت سبيس في جاردن سيتي، هتستضيف حفلة كاريوكي. وفيها تقدر تغني مع أصحابك وكل واحد يطلع مواهبه الدفينة. الحفلة هتبدأ الساعة 7:30 مساءً. سعر التذكرة: 50 جنيه.
يومكم سعيد.
مقترح
الحياة في كايرو
7 أفكار لزينة كريسماس 2025 هتخلي بيتك يبهر ضيوفك بكل تفاصيله
أفكار تزيين منزلية أفكار لتزيين البيت +8
الحياة في كايرو
