النهارده في القاهرة: اتسلطن على أحلى أغاني التراث الأصيلة مع أوكسفورد مقام
Cairo 360
تقريبًا كده عمرو دياب ماغناش للقاهرة من فراغ، خصوصًا لما قال “وطول ليلها وأغانيها ومواويلها”. وده لأن القاهرة مليانة حفلات وعروض وأغاني وإيفينات طول الوقت. تعالوا نتعرف على حفلات النهارده من أجندة كايرو 360:
نبدأ من علبة ألوان في الزمالك، اللي هتستضيف فريق “أوكسفورد مقام”. فريق اتأسس في بريطانيا على أيدي موسيقيين محترفين من جنسيات عربية وغربية. وبيقدم الموسيقى الشرقية التراثية الأصيلة باستخدام آلات التخت الشرقي. الحفلة هتبدأ الساعة 8 مساءً. وسعر التذكرة: 60 جنيه.
درب 1718 هيعرض فيلم “بره في الشارع”، إخراج: ياسمينة متولي وفيليب رزق. وده بالتنسيق مع سينما زاوية. الفيلم بيدور عن 9 أشخاص شغالين في ورشة فوق أحد أسطح العمارات. وبيعرضوا المواقف اللي بيمروا بها يوميًا في حياتهم العادية، في شكل مسرحي. العرض هيبدأ الساعة 7 مساءً. والدخول مجانًا.
الفنان اسماعيل صادق، وفرقته “الفن الصادق” هيقدم حفلة غنائية على مسرح الحكمة في ساقية الصاوي. الحفلة هتبدأ الساعة 7 مساءً. سعر التذكرة: 30 – 35 جنيه.
وفي رووم آرت سبيس في الزمالك، هنعيش في عالم الغموض ومصاصين الدماء مع فيلم “From Dusk till Dawn”. اللي بيدور عن إتنين من المجرمين بيحاولوا يعيشوا مؤقتًا في مكان مليان بمصاصين الدماء. العرض هيبدا الساعة 8:30 مساء. وسعر التذكرة: 25 جنيه.
سهرة سعيدة.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
