النهارده في القاهرة: أفلام ومسرحية وحفلة طبول لرانيا عمرو
Cairo 360
تعالوا نشوف أجندة كايرو 360 فيها إيه جديد:
النهارده سينما مجنوليا في الزمالك، هتعرض الفيلم اللي اترشح لأربع جوائز أوسكار، “The Green Mile”. وبتدور قصته حول “بول” حارس زنازين المساجين، المحكوم عليهم بالإعدام. اللي بيتفاجيء بمسجون جديد عنده قوى خارقة. العرض هيبدأ الساعة 8 مساء. والدخول مجانًا.
في مساحة جرامافون بالمعادي، لنا ميعاد مع “دايرة الطبول”. اللي بتقدمها عازفة الإيقاع رانيا عمرو. أي حد بيحب الطبلة أو عايز يتعلمها، بنقوله ده مكانك المناسب. الحفلة هتبدأ الساعة 9 مساءً. وسعر التذكرة 50 جنيه.
فرقة “نوستالجيا” هتقدم مسرحية (شوق الدرويش) لليوم الثاني، على مسرح الهوسابير بوسط البلد. والماخوذة عن رواية “شوق الدرويش” لحمور زيادة. العرض هيبدأ الساعة 5 مساءً. وسعر التذكرة: 30 جنيه.
ونختم رحلتنا في مساحة بلكون هليوبوليس، مصر الجديدة. اللي هتعرض فيلم “I, Daniel Blake”. الفيلم بيدور عن نجار عنده 59 سنة، اتعرض لأزمة قلبية. وبيواجه مصاعب في إنه يحصل على وظيفة ودعم من الدولة. العرض هيبدا الساعة 8. وسعر التذكرة: 25 جنيه.
يا رب تنبسطوا.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
