النهارده في القاهرة: أفلام وأغاني وعرض “أوبرا عايدة”
Cairo 360
خلاص بدأ العد التنازلي لشهر رمضان الكريم. ووسط كل الاستعدادات الخاصة به، القاهرة لسه فيها خروجات وأنشطة كتيرة. تعالوا نشوف إيه الجديد النهارده:
فرقة أوبرا القاهرة وأوركسترا أوبرا القاهرة، هيقدموا عرض أوبرا عايدة، على المسرح الكبير بدار الأوبرا المصرية. العرض هيبدأ الساعة 8 مساءً. وسعر التذكرة: 75 – 100 – 150 جنيه.
درب 1718 بيستضيف عرض أفلام، بتنسقها سينما زاوية لمخرجين محليين، والنهارده هيعرض فيلم “في يوم” للمخرج كريم شعبان، وبيدور عن محاولة 6 أشخاص تحقيق حياة كريمة لنفسهم. العرض هيبدأ الساعة 8. والدخول مجانًا.
أما رووم آرت سبيس في جاردن سيتي، هتعرض فيلم “Paradise Now”. الفيلم بيتكلم عن اتنين أصحاب من أيام الطفولة، بيتم تجنيدهم لمهمة انتحارية في تل أبيب. العرض هيبدأ الساعة 8:30. وسعر التذكرة: 30 جنيه.
ونختم بحفلة غنائية في ساقية الصاوي، هيقدمها فريق كورال الفن الأصيل على مسرح الحكمة. الحفلة هتبدأ الساعة 7:30 مساء. وسعر التذكرة: 25 – 30 جنيه.
يا ترى هتخرجوا فين النهارده؟
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
