الحياة في كايرو
النهارده في القاهرة: أغاني شرقي وغربي وعروض أفلام
بواسطة
Cairo 360
لما بتحب تخرج وتسهر وتفرفش، أكيد مش هتلاقي أحسن من أجندة كايرو 360. اللي فيها دايمًا كل جديد. يلا نعرف إيه جديد النهارده:
فريق “هوتميس” هيحيي حفلة غنائية في باب 18 في مصر الجديدة. الفريق بيقدم ميكس من أغاني الروك والبلوز بشكل مختلف. الحفلة هتبدأ الساعة 8 مساءً. وسعر التذكرة: 50 جنيه.
ييلو أمبريلا في المعادي هتعرض حلقات من مسلسل Friends. والنهاردة هتبقى حلقات الهالووين. العرض هيبدأ الساعة 7:30 مساءً.
سينما دال في وسط البلد، هتعرض فيلم “Inside Llewyn Davis“. الفيلم بيدور عن الموسيقي “لوين ديفيس” اللي بيمر بمشاكل مادية كبيرة. لحد ما حياته تاخد منعطف جديد. العرض هيبدأ الساعة 7:30 مساءً. الدخول مجانًا.
أغاني الفلكلور وعرض الزار، هتقدمه فرقة مزاهر في مكان. الحفلة هتبدأ الساعة 8 مساءً. وسعر التذكرة: 40 جنيه.
يومكم بيضحك.
مقترح
أفلام
موضوع مميز
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
موضوع مميز
