The Definitive Guide to Living in the Capital , Cairo , Egypt

القعدة في وسط البلد بالقاهرة بشكل عام لها طعم خاص، و”الكوخ” أضاف للطعم ده جمال تاني مختلف، و”الكوخ” واحد من أجمل الأماكن البسيطة الموجودة في وسط القاهرة، واللي هيدخلكم في مود جميل ومختلف تمامًا، سواء في ديكوراته، بساطة قعدته، أو مشروباته وأكله، وعلشان كده إحنا في كايرو 360 هنعرفكم على المكان أكتر من خلال 5 معلومات فيهم الخلاصة.

• 1- الكوخ مكان هادي جدًا، وفيه روح مختلفة وتقدروا تاخدوا منه طاقة إيجابية.
• 2- المنيو بتاعهم بتتغير طول الوقت بحيث انكم تقدروا تجربوا في كل مرة تروحوا فيها المكان أكل ومشروبات مختلفة.
• 3- الفطار في الكوخ مميز واسمه “ولاد البلد” وسعره 50 جنيه بس.
•  
• 
• 4- المكان فيه مكتبة لو حابين تقروا كتب أو تذاكروا أو حتى تكتبوا قصص وخواطر في جو هادئ.
• 5- الكوخ مش مجرد مطعم وكافيه لا ده كمان جاليري مليان أنتيكات مع ديكور بسيط من التراث المصري الأصيل، وفيه قعدات من خشب الأشجار، ودوار العمدة وبرج الحمام، وتقدروا تعملوا فيه فوتوسيشن مميز.

وأخيرًا.. الكوخ موجود في 1 شارع سكة الفضل، متفرع من شارع طلعت حرب، عمارة فندق فالنسيا، الدور التاني، بجوار حلواني العبد، ومكرونة بابا عبده، وتقدروا تتواصلوا معاهم على رقم 01026514158، ولو عاوزين تعرفوا أكتر عنهم زوروا صفحتهم على الفيسبوك من هنا.