The Definitive Guide to Living in the Capital , Cairo , Egypt

كتير بنكون زهقانين، وحابين نغير الموود ونعمل حاجة جديدة ومختلفة، ومافيش أجمل من نيل القاهرة علشان تغير جو وتنبسط، والإنباسط هيزيد لو كنت راكب “كاياك”، وده نوع من القوارب بتتحرك في النيل بمجداف، والأمر ده بدأ يتنشر مؤخرًا وناس كتير بتحب تجربه. ولو نفسك تتعلم ركوب الكاياك، هنعرفك على أهم الأماكن اللي هتساعدك تخوض أجمل مغامرة في قلب نيل القاهرة.

Egy Row

من الأماكن المهمة في مجال الكاياك، وموجودة في نادي التجديف 147 شارع النيل – الدقي، وسعر الساعة عندهم 150 جنيه، وتقدروا تعرفوا أكتر عنهم من خلال صفحة الفيسبوك من هنا.

أو الاتصال على رقم: 01008888036.

Zamalek Kayak

التجربة عندهم لطيفة وهما موجودين في شارع أبو الفدا بالزمالك، والرايد سعر الساعة فيه 125 جنيه وبيعملوا عروض وبتنزل سعر الساعة لـ100 جنيه، تقدروا تعرفوا أكتر عنهم من خلال صفحة الفيسبوك من هنا.

أو الاتصال على رقم: 01229117114.

Fit Rowing Academy

موجودين في شارع النيل – الدقي، وبيعملوا إيفينتس كتير ومن الأماكن الممتعة لمغامرة الكاياك وسعر الساعة 150 جنيه، وبيعملوا عروض بتقلل السعر لـ120 جنيه، وتقدروا تعرفوا أكتر عنهم من خلال صفحة الفيسبوك من هنا.

أو الاتصال على رقم: 01015201112.

Cairow Water Sports

لهم فروع في القاهرة وبره القاهرة، وحاليًا موجودين في العلمين كمان، وموجودين في 112 شارع النيل – الدقي، وأسعارهم في العروض بتوصل لـ90 جنيه الراوند، وتقدروا تعرفوا أكتر عنهم من خلال صفحة الفيسبوك من هنا.

أو الاتصال على رقم: 01005665302.

Nile Kayak Club

موجودين في منيل شيحة والمعادي والإسكندرية والساحل وأسوان، وعندهم فاعليات مختلفة بتتعمل على فترات، والأسعار تبدأ من 180 جنيه في القاهرة، وتقدروا تعرفوا أكتر عنهم من خلال صفحة الفيسبوك من هنا.

أو الاتصال على رقم: 01010013335.