“العزوة”.. خروجة منعشة لكل أفراد العائلة
حديقة حيوان خروجة عائلية ركوب خيل فسحة الإجازة لمة العيلة
Mohamed Talaat
الخروجات بدأت بعد ما كتير من العائلات انتهوا من ماراثون امتحانات المراحل الإبتدائية والإعدادية والمرحلة الأولى والثانية من الثانوية العامة، والتفكير دلوقتي هو: “هنخرج فين؟!” ولأهمية السؤال ده قررنا نقول كم على خروجة مناسبة لكل العيلة، ولقينا مكان مميز اسمه “العزوة” كل فرد من العيلة هيلاقي حاجة يحبها فيه!
في السطور الجاية هنعرفكم تفايل رحلتنا لـ”العزوة”.
“العزوة” هي واحة للانبساط، موجودة داخل الريف الأوروبي في طريق مصر الإسكندرية الصحراوي، هي أقرب لحديقة كبيرة فيها أنشطة مختلفة زي ركوب الخيل، وفيها كمان حديقة حيوانات مصغرة، وهتلاقوا هناك أكل متنوع سواء للفطار أو للغدا.
لما تزوروا واحة العزوة هتقضوا يوم ممتع مناسب للكبار والأطفال والدخول وكمان الكيدز إيريا مجانًا، ده غير التصوير مع الحيوانات والطيور، ومش بتدفعوا حاجة غير الأكل والشرب اللي هتطلوبوه من المكان وبيضاف عليه 12% خدمة، وهما عندهم فطار مختلف زي الفطير المشلتت وسعره 190 جنيه، وطبق الفول 40 جنيه، والفلافل 25 جنيه، وبيض بسطرمة 70 جنيه، والبيض بيبدأ من 35 جنيه، وكمان هتلاقوا مكس جبن بـ150 جنيه.
أما الغدا فعندهم متنوع ونبدأ بالشوربة اللي سعرها يبدأ من 35 جنيه، والسلطة 20 جنيه، وطواجن اللحمة متوسط السعر بـ250 جنيه، والمحاشي 75 جنيه والممبار 90 جنيه، والوجبات للفرد الواحد بتبدأ من 150 جنيه وبتكون عبارة عن ربع كفتة وأرز أبيض وسلطة وعيش، والحمام سعره 135 جنيه، واللحوم أسعارها تبدأ من 375 جنيه، والسمان 65 جنيه.
ومن ضمن الاختيارات داخل واحة العزوة الأكل اليمني اللي الوجبات بتاعته تبدأ من 195 جنيه وبتكون عبارة عن طبق مندي فراخ مع أرز، والفتة تبدأ من 75 جنيه لفتة الملوخية، أما العصائر فسعرها بيبدأ من 25 جنيه للمشروبات التقليدية زي الخروب والكركديه وغيرهم، وأغلى حاجة 45 جنيه لعصائر زي الأناناس والمانجو.
وبالنسبة للمشروبات السخنة تبدأ من 15 جنيه للشاي و30 جنيه للقهوة وأغلى حاجة 35 جنيه للشاي البراد على الرايقة، والسوفت درينك 20 جنيه، وعندهم تشكيلة حلويات أسعارها تبدأ من 15 جنيه للبسبوسة والزلابيا وبتوصل لـ90 جنيه للكنافة النابلسية على الفحم ودي أغلى حاجة عندهم.
كمان هما بيوفروا للعائلات برجولة خاصة مكيفة بتشيل لحد 20 فرد بسعر 300 جنيه، ولو 25 فرد بـ350 جنيه لليوم كامل، ده غير الألعاب المتوفرة بعيدًا عن الكيدز إيريا والتصوير مع الحيوانات والطيور مجانًا، فعندهم ركوب خيل بـ180 جنيه للساعة، ولعبة طاولة إير هوكي وطاولة بينج بونج ودي الساعة فيها بـ100 جنيه، واحنا بنوعدكم نجربها قريب ونقولكم كل التفاصيل عنها وتجربتنا اللي أكيد هتشجعكم تاخدوا قرار للزيارة.
مواعيد واحة العزوة من 10 صباحًا حتى 12 مساءً يوميًا.
العنوان: منطقة 5 امستردام – داخل الريف الأوروبي – الكيلو 58 طريق اسكندرية الصحراوي.
رقم التليفون: 01050560611 – 01006100946 – 01220543235
وتقدروا تعرفوا أكتر عنهم من خلال صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
