العاصمة الإدارية أجمل بزراعة نبات البردي واللوتس ومتحف عواصم مصر (فيديو)
العاصمة الإدارية الجديدة زراعة العاصمة الإدارية بالبردي واللوتس متحف عواصم مصر مشاريع العاصمة الإدارية مشاريع مصر
Cairo 360
العاصمة الإدارية الجديدة مشروع ضخم نجحت مصر في تنفيذه في وقت قياسي، بتضم العاصمة تفاصيل مدهشة، منها زراعة نبات البردي واللوتس داخل مدينة الثقافة والفنون، ومتحف عواصم مصر.
تعالوا نعرف التفاصيل.
مؤخرًا، أعلنت الحكومة عن فكرة جديدة هتخلي العاصمة الإدارية أجمل، وهي زراعة نبات البردي واللوتس في مدينة الثقافة والفنون بالعاصمة الإدارية، والفيديو التالي فيه التفاصيل:
متحف عواصم مصر بالعاصمة الإدارية الجديدة
في نفس الوقت اللي أعلنت فيه الحكومة عن زراعة نبات البردي واللوتس، أعلنت كمان عن تفاصيل متحف عواصم مصر بالعاصمة الإدارية الجديدة، واللي بيروي بطريقة عصرية شيقة تاريخ العواصم المصرية عبر العصور المختلفة. المتحف بيتكون من قاعة رئيسية بيُعرض فيها آثار لعدد من عواصم مصر القديمة والحديثة واللي بيبلغ عددها 9 عواصم.
عواصم مصر القديمة
بتضم عواصم مصر القديمة منف، طيبة، تل العمارنة، الإسكندرية، الفسطاط، القاهرة الفاطمية، مصر الحديثة، القاهرة الخديوية، بالإضافة إلى عرض مجموعة من المقتنيات المختلفة اللي بتمثل أنماط الحياة في كل حقبة تاريخية خاصة بكل عاصمة زي أدوات الزينة، وأدوات الحرب والقتال، ونظام الحكم والمكاتبات المختلفة.
وبيتمتع سيناريو العرض المتحفي لمتحف عواصم مصر بمميزات خاصة، أهمها استخدام التكنولوجيا الحديثة. وتم تزويد قاعات العرض بشاشات بتعرض فيلم بانورامي تفاعلي بيعرض لنا تاريخ عواصم مصر بالصوت والصورة، مع عرض توضيحي لشكل كل عاصمة من العواصم المصرية القديمة، وطبيعة العمارة السكنية والمباني الدينية بها وأشهر معالمها.
