الخروج بحل الألغاز.. متعة الخروجة في بلاسيبو المعادي
الهروب الكبير بيت الرعب هروب من الغرفة
Mohamed Talaat
الهروب من الواقع أصبح من الحاجات النفسية اللي موجودة بينا كتير، وده بيكون بسبب الضغوط الكتير في حياتنا وأكيد احنا بنحاول دايمًا ندور على حلول علشان نخرج لأي مكان نطرد فيه الطاقة السلبية اللي بتسيطر علينا، ونعمل ريفريش لنفسنا علشان نقدر نكمل ونعيش ونشتغل ونستمتع بحياتنا، علشان كده النهاردة هنقولكم على بلاسيبو المعادي وهو عبارة عن اسكيب روم هتساعدكم أنكم تحلوا ألغاز علشان تهربوا من الغرف اللي بتتحبسوا جواها.
بلاسيبو المعادي هو مكان بيخليكم عايشين شخصيات قصة وبتتحبسوا جواها، ومن خلال القصة دي مش بتعرفوا تهربوا منها إلا لما تكتبوا نهايتها بفسكم وبتمثلوها بنفسكم جوا دواير التمثيل، وهما عندهم قصتين للهروب الأولى بتكون رعب واسمها The Temple، وبيكون سعر الفرد فيها 280 جنيه وبيشارك فيها من 3 لـ10 أفراد.
أما القصة الثانية فبيسيطر عليها الغموض وسعر الفرد فيها 280 جنيه، وتقدروا تلعبوها بداية من فردين وحتى 7 أفراد، وكل قصة بيكون مدتها 90 دقيقة من المغامرة والسيطرة والرعب والأكشن والضحك.
بلاسيبو عاملين اختراعات وطرق جديدة لسرد القصص اللي بتهربوا منها ومش هتلقوها في مكان تاني، هتعيشكم بطريقة مختلفة جوا القصة اللي هما مألفينها وهتنقلكم لعالم تاني مليان حاجات كتير توصلكم لأنكم تكتبوا نهاة كل قصة بنفسكم وده هيخليكم تحسوا بأنكم نفس شخصيات القصة بشكل ديناميكي.
العنوان: شارع ٩ المعادي، أمام بيتزا هت
رقم التليفون: 01098734362
وتقدروا تعرفوا أكتر عنهم من خلال صفحة الفيسبوك من هنا.
