The Definitive Guide to Living in the Capital , Cairo , Egypt

القاهرة بتتعرض لموجة حر شديدة، وده يخلينا لازم ناخد بالنا كويس.. في السطور الجاية جمعنا لكم شوية نصائح مهمة.

خلي بالك من  التعرض المُباشر لأشعة الشمس

بلاش تقف لوقت طويل تحت أشعة الشمس مُباشرةً، خصوصًا في أوقات الظهر والعصر، وده هيساعدك تتجنب الإصابة بضربات الشمس، كمان هيحمي جلدك من الحروق.

اقفل الشبابيك والستائر خلال ساعات النهار

وده علشان تمنع دخول حرارة الشمس القوية من الدخول لبيتك، وتقدر تفتحها بعد غروب الشمس لما درجة الحرارة تقل.

البس ملابس مُناسبة بألوان فاتحة عاكسة للحرارة

مهم تلبس ملابس صيفية مُريحة مصنوعة من القُطن أو الكتان وبألون فاتحة زي الأبيض، والسبب إن الألوان الفاتحة بتعكس الأشعة و الحرارة، لكن الألوان الغامقة زي اللون الأسود بتساعد على امتصاص الأشعة و الحرارة وده بيزود الشعور بالحرّ.

كتر من شرب المياه والمشروبات الباردة والمُرطبة:

وده بيساعد على تخفيض حرارة الجسم و بالتالي استمرار قيام أجهزة الجسم بعملها الطبيعي، كمان بيساعد في تسهيل عملية التبريد عن طريق إفراز العرق.

 بلاش الأطعمة الدسمة:

الأفضل في الحر الابتعاد عن تناول المأكولات الدسمة، لإن هضم الجسم للدهون بيساعد على فقدان كميات كبيرة من المياه وده بيسبب العطش الشديد، وبالتالي بيضعف قُدرة الجسم على تبريد نفسه بالعرق.

 كمان بيسبب تناول المواد الدسمة التُخمة اللي لما بتتجمع مع درجات الحرارة العالية فده بيسبب الشعور بالإعياء والغثيان، وممكن يؤدي إلى الرغبة في استفراغ الطعام أو الإسهال، وده هيسبب فقدان المياه والأملاح بشكل إضافي من الجسم.

إطفي الأدوات المنزلية اللي ممكن تزود زيادة درجة الحرارة:

إطفي كُل الأدوات المنزلية اللي مش محتاجها لو بتتسبب في زيادة الحرارة في البيت زي مثلاً أجهزة الكمبيوتر والتلفزيون.

بلاش تمارس الرياضة خلال ساعات النهار:

لأن ده بيؤدي لفقدان كميات كبيرة من السوائل والمعادن وبالتالي الغيبوبة.

 استحمى كذا مره في اليوم:

حمام يومي سريع هيساعدك على الشعور بالاسترخاء و الانتعاش و هيقلل من الشعور بالحرارة.

مصدر المعلومات العلمية في المقال: موقع طقس العرب