The Definitive Guide to Living in the Capital , Cairo , Egypt

كل فترة بنكون محتاجين نفصل من الضغوط اللي بقينا فيها، وكتير مننا بيحتاجوا يغيروا مود بأنهم يسافروا بره القاهرة ولكن الظروف والوقت مش بيسمحوا بكده، وعلشان تغيير المود ده حاجة مهمة وكلنا محتاجينها هنقولكم على 5 أماكن في القاهرة تقدروا تخرجوا فيها وتقضوا داي يوز مميز خاصة أن الجو الفترة دي جميل ومحتاج خروجات في الهواء الطلق.

• ميزاج

في ميزاج وورلد هتقدروا تاكلوا وتشربوا وتستخدموا حمام السباحة وكمان عندهم غرف للداي يوز وأسعارهم تبدأ من 150 جنيه لاستخدام حمام السباحة، و250 جنيه لو هتضيفوا غداء، وكمان تقدروا تحجزوا الغرف بأسعار تبدأ من 900 جنيه للفردين وشاملين الفطار والغداء.

العنوان: كورنيش المعادي،  بين مدخل المعادي 1 و 2، المرسي اللي جنب  Blue Nile.

• خان يوسف

هتلقوا في المكان ده ألعاب كتير للكبار والأطفال، وكمان ركوب خيل وحمام سباحة وكرة قدم وشو عرائس وحفلات ومسابقات، ده غير ركوب العجل والبيتش باجي، والأسعار عندهم تبدأ من 80 جنيه، شاملة رسم الدخول و2 ساندوتش، والأطفال بـ50 جنيه ومعاهم 1 ساندوتش، وكل لعبة لها سعرها وفيه ألعاب مجانية.

العنوان: طريق سقارة السياحي – المريوطية هرم شبرامنت – بجوار معاهد المدينة والفراعنة – مدخل أهرامات أبوصير.

• الريف العربي

هي مخصصة للعائلات فقط، وفيها ألعاب كتير وركوب خيل وحمامات سباحة وأكوا بارك، وكمان مأكولات ومشروبات، وعندهم برامج متخصصة للعائلات والرحلات، وهي من الأماكن اللي لازم تحجزوا قبلها علشان مش بيقبلوا أعداد كبيرة، وعندهم فرعين الأكبر في طريق أسيوط الزراعي “60 كيلو من المريوطية.

عنوان فرع القاهرة: المريوطية – اتجاه طريق سقارة السياحي – شبرامنت – بالقرب من معاهد المدينة.

• وادي فيو

المكان ده جوا محمية طبيعية، يعني هتستمتعوا بمناظر خلابة وجبال، وكمان عندهم جو بدوي ومأكولات ومشروبات متنوعة، وأماكن للتصوير، وألعاب، وشعب مرجانية، وركوب خيل، والفرد تكلفته تبدأ من 550 جنيه شاملة الغداء وشاي بدوي ومياه.

العنوان: محمية وادي دجلة – آخر محور محمد نجيب – التجمع الخامس.

• بيوت باي

هو بيبعد عن القاهرة تقريبًا 20 دقيقة على طريق مصر إسكندرية الصحراوي، وفيه أكتر من حمام سباحة وكمان صالة رياضية ونادي صحي رجالي ونسائي، ومسموح بالحيوانات الأليفة، وواي فاي مجانًا، وألعاب كتير وأكل وشرب والفرد يبدأ من 800 جنيه شامل “افطار وعشاء – DJ – أكتيفيتي انيميشن – الجيم – استخدام الملاعب”، والأطفال حتى 5 سنوات مجانًا، ولو أكبر نصف تذكرة.

العنوان: طريق مصر إسكندرية الصحراوي – مخرج 5 – بعد مطار سيفنكس الدولي وكوبري أبو غالب.