The Definitive Guide to Living in the Capital , Cairo , Egypt

ناس كتير بتحب تغير الروتين المعتاد بنشاط جديد ومختلف، زي السفر لمكان جديد، الخروج مع الأصدقاء، أو ممارسة الرياضة. وهنا بتيجي فكرة اشتراك النادي، اللي بيجمع عدد كبير من الأنشطة وأساليب الترفيه، اللي بتناسب الأفراد والعائلات. بس يا ترى اشتراكات النوادي بكام دلوقتي؟

إحنا في كايرو 360 قررنا نجاوب على السؤال ده، وجبنا لكم أسعار اشتراكات أهم 6 نوادي في القاهرة لعام 2022. يلا نتعرف عليهم:

نادي الجزيرة

النادي اتأسس عام 1882، ويعتبر من أهم وأكبر النوادي في مصر. وبيضم عدد كبير من الرياضات والأنشطة المختلفة. بالإضافة لتسهيل خدمات كتيرة للمشتركين. النادي موجود في منطقة الجزيرة شمال الزمالك.

اشتراك الفرع الرئيسي: 1.400.000 جنيه.

اشتراك فرع أكتوبر: 300.000 جنيه.

النادي الأهلي

الفرع الرئيسي للنادي في منطقة الجزيرة بالزمالك وبيضم ملعب مختار التتش، تم افتتاحه عام 1909. وللنادي 3 فروع كمان: مدينة نصر- الشيخ زايد – التجمع الخامس (أجدد فرع).

سعر اشتراك الفرع الرئيسي: 750.000 جنيه

سعر اشتراك الفروع التانية حوالي 250.000 جنيه.

نادي المعادي الرياضي واليخت

النادي اتأسس عام 1920، وكان هدف جذب أكبر عدد من المصريين والأجانب، بما إن سكان المنطقة كانوا كلهم من الطبقات الراقية في الوقت ده.

سعر اشتراك النادي: 342.000 جنيه.

نادي وادي دجلة

شركة وادي دجلة القابضة بتمتلك استثمارات في مجالات مختلفة زي الاتصالات والتطوير العقارات والنوادي الرياضة. ومنها نادي وادي دجلة.

سعر اشتراك الفرع الرئيسي: 200.000 جنيه

نادي الزمالك

من أقدم الأندية في مصر، اتأسس عام 1911 تحت اسم “نادي قصر النيل”. واللي أسسه محامي بلجيكي اسمه “جورج مرزباخ”، اللي كان رئيس لأحد المحاكم المختلطة في مصر.

سعر الاشتراك في النادي بيبدأ من 63.000 لحد 120.000 جنيه.

نادي هليوبوليس الرياضي

دلوقتي الاشتراكات مسموحة في فرع لاشروق بس، واتقفلت في فرع مصر الجديدة.

سعر الاشتراك حوالي: 350.000 جنيه.