اكتشاف حفريات عمرها 50 مليون سنة في صحراء مصر الشرقية
50 مليون حفريات فقريات مرك المنصورة
Mohamed Talaat
مركز الحفريات الفقارية الجيولوجي التابع لجامعة المنصورة، أعلن مؤخراً عن عثوره على حفريات عمرها أكثر من 50 مليون سنة، خلال عمليات البحث في صحراء مصر الشرقية.
وبيؤكد المركز إن الاكتشاف ده بيعتبر نواة بحثية هامة في تاريخ التراث الطبيعي المصري.
المركز له اكتشافات كتير قبل كده، وبيهدف لكشف ومعالجة ودراسة التراث الطبيعي من الحفريات الفقارية المصرية، وده اللي وضحه الدكتور هشام سلام، مدير المركز، في تصريحاته لجريدة الوطن، اللي أضاف فيها أن بيتم عقد مشروعات مع جامعات دولية عريقة زي كامبريدج، وجنوب كاليفورنيا، ومتشجن، وأوهايو، ودوك، وألبرتا، وستونى بروك، وكارنيج للتاريخ الطبيعي، ومتحف دنفر للتاريخ الطبيعي.
ومن أهم اكتشافاته أنه تم تسجيل نوع جديد من الديناصورات، واتسمى علي شرف جامعة المنصورة “منصوراصورس”، ومجموعة مختلفة من الحفريات الفقارية من العصور الجيولوجية عمرها ملايين السنين.
وبيعتبر مركز الحفريات الفقارية الجيولوجي التابع لجامعة المنصورة هو الوحيد في الشرق الأوسط من نوعه، اللي بيهتم بدراسة التراث الطبيعي للحفريات الفقارية، ونشر ما يزيد عن 25 بحث دولي في أكبر المجلات العلمية الدولية.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
