The Definitive Guide to Living in the Capital , Cairo , Egypt

لو كنتم مهتمين بالثقافة الفرنسية، يبقى أكيد عارفين المعهد الفرنسي وفرعه اللي في المنيرة في وسط البلد، بس النهارده عشاق الثقافة الفرنسية ليهم عندنا مفاجأة حلوة، وهي افتتاح فرع جديد للمعهد الفرنسي في مركز “تنويير” في كمبوند “سوديك ويست” في الشيخ زايد.

افتتاح الفرع الجديد هيكون يوم الإثنين 24 فبراير، وهيستقبل الجمهور من الأحد للأربعاء من الساعة 8:30 الصبح للساعة 7:30 مساءً، والجمعة من الساعة 8:30 للساعة 4:30 العصر، وهيبدأ نشاطاته بتقديم دورات المرحلة الأولى للغة الفرنسية العامة للكبار والصغار، واللي هيستقبل التسجيل فيها للكبار يوم الاثنين 24 فبراير والثلاثاء 25 فبراير، من الساعة 10 صباحًا ولحد الساعة 5:30 مساءً.

 

أما التسجيل لدورات اللغة الفرنسية للأطفال فهيبدأ من يوم 26 فبراير من 10 الصبح  ولحد الساعة 5:30 مساءً، وهتبدأ الدورات بشكل فعلي من يوم 1 مارس الجاي.

 

الفرع الجديد جه استجابة للطلب المتزايد على دورات اللغة الفرنسية من سكان أكتوبر، علشان كده المعهد الفرنسي قرر يفتتح الفرع ده وهيكون موجود فيه فريق عمل مميز ومعلمين متميزين وكوادر جديدة.

لو عاوزين تعرفوا تفاصيل أكتر عن الفرع الجديد ممكن تدخلوا على الصفحة الرسمية للمعهد الفرنسي في مصر من هنا.