The Definitive Guide to Living in the Capital , Cairo , Egypt

بعد النجاح المبهر لـ Esports Summit واللي بيعتبر أكبر حدث للرياضات والألعاب الإلكترونية السنة اللي فاتت، واللي ساب أثر كبير على مجتمع الألعاب واللعيبة في مصر، وحضره أكثر من 5000 لاعب، وكانت ردود الأفعال إيجابية بفضل الجهود اللي بذلتها صالة Gamers Lounge في استضافة الحدث، النهارده تم الإعلان عن انطلاق Esports Summit 2019.

الحدث السنة دي هيكون فيه شوية اختلافات عن السنة اللي فاتت، منها إنه هيبدأ يوم 26 سبتمبر وهيستمر لمدة 3 أيام (لحد 28 سبتمبر) مش زي السنة اللي فاتت كان يوم واحد بس.

وعلى الرغم من إن الحدث السنة اللي فاتت كان يوم واحد، إلا أن النهائي كان فيه تنوع جامد جدًا من حيث نوع الألعاب، وده كان سبب في إن مش كل الألعاب خدت وقتها، ويمكن علشان كده السنة دي القائمين على الحدث قرروا يخلوه لمدة 3 أيام علشان يوفروا أكبر وقت ممكن لكل مجموعة من اللاعبين، ولكل مجموعة من الألعاب.

الجديد كمان في الإيفنت السنة دي هو إن اللاعبين اللي هيشاركوا هيكون هندهم الفرصة للاستمتاع بالمنافسة ضد لاعبين جداد وليهم أسلوب مختلف في اللعب وبالتالي ده هيسمح لهم بفرص لاكتشاف نفسهم في اللعب والألعاب الكتير اللي هتشارك، واللي هيكون منها PUBG ، و FIFA، وTekken 7، وRed Alert وغيرهم كتير.

الإيفنت في اليوم الأول هيبدأ من الساعة 3 العصر وهيستمر لـ11 بالليل، في ميدان فيكتوريا في دجلة المعادي، والجوائز بتبتدي من 3000 جنيه لحد 40000 جنيه للأوائل من كل مجموعة، لكن لو عاوزين تعرفوا تفاصيل أكتر عن الألعاب المشاركة والجوائز المتاحة لكل الفائزين، وتحجزوا تذاكركم، ممكن تدخلوا على الإيفنت من هنا.