The Definitive Guide to Living in the Capital , Cairo , Egypt

في موسم الصيف بتظهر أصناف كتير من الفواكه الحلوة، زي الخوخ والبطيخ والمشمش والتفاح والعنب، وغيرهم كتير، وبما إن معظم الأصناف دي ليها بذور، وغالبًا بنتخلص منها لما بنيجي ناكلها، بدأت صفحة “تدوير مخلفات مصر” تركز في النقطة دي، وأعلنت عن حملة لإعادة زراعة بذور الفواكه تاني بدل ما تترمي في الزبالة.

الحملة هدفها التوعية بأهمية بذور الفواكه اللي بنرميها، وطريقة الاهتمام بيها، واللي بتكون عن طريق غسل البذور بعد الأكل، وتجفيفها في الشمس، وبعدين تخزينها في كيس “ورق” مش “بلاستيك” وننشرها بعد كده في الطرق أو في الحدائق والطرق الزراعية.

كل مرة هتعمل دا هتزرع شجرة، وهي فكرة بدأت تنتشر فعلًا على مستوى دول زي تايلاند وماليزيا، واللي كانوا من أوائل الدول اللي روجت للفكرة، وحاليًا نجحوا في مضاعفة أشجار الفاكهة والبقوليات في الشوارع، وكل ده علشان نساهم في تحويل العالم لمكان أخضر صحي.

لو عايز تعرف تفاصيل أكتر عن الحملة وعن صفحة “تدوير مخلفات مصر” على الفيسبوك، دوس هنا.