هتوفر مجهود ومشاوير.. تطبيقات خدمية هتسهل حياتك في القاهرة
تطبيقات الخدمات الحكومية تطبيقات خدمية تطبيقات مفيدة تطبيقات هتسهل حياتك في القاهرة تطبيقات هتسهل حياتك في مصر
Mohamed Talaat
مافيش شك إن تطبيقات الموبايل أصبحت حاجة مهمة جدًا لناس كتير، خصوصًا لو تطبيقات ممكن تسهل الحياة فعلًا. هنا هنعرفكم على أهم 4 تطبيقات هتسهل حياتكم في القاهرة، وهتوفر عليكم مجهود كبير ومشاوير كتير. يلا نتعرف عليها مع بعض.
تطبيق Vezeeta
من أهم تطبيقات الخدمات الصحية في القاهرة، بيوفر لكم استشارات وكشوفات طبية وطلب أدوية.
هتقدر من خلال التطبيق تحجز كشف في العيادات المختلفة مع أطباء معتمدين، وحجز التحاليل والعمليات المختلفة، مع إمكانية شراء الأدوية.
حملوا التطبيق من هنا.
بوابة وزارة الداخلية
مع التطبيق ده مش هتحتاج تروح قسم الشرطة لاستخراج الأوراق والوثائق الرسمية المختلفة، لأن وزارة الداخلية بتقدم خدماتها ومنها الخدمات الخاصة بالمرور، وخدمات تصاريح العمل، وتجديد البطاقة الشخصية أو استخراج بدل فاقد، وصحيفة الحالة الجنائية، والقيد العائلي، وقيد الوفاة وأكتر.
حملوا التطبيق من هنا.
بوابة مصر الرقمية
هو مش تطبيق! بوابة مصر الرقمية هي منصة رقمية بتقدمها االحكومة المصرية، وبتركز بشكل أساسي على خدمات التأمين، التموين، التوثيق والسجلات التجارية وخدمات وزارة الداخلية، وأكتر.
الموقع الرسمي هنا.
تطبيق MyFawry
تطبيق MyFawry بيعتبر أهم تطبيق مجمع لمعظم المدفوعات اللي هتحتاجها لبيتك أو لاحتياجاتك الشخصية. التطبيق بدلي عملي لماكينات فوري المتاحة في المحلات والأسواق.
تقدر عن طريق التطبيق دفع مجموعة كبيرة المدفوعات، وده من خلال استخدام بطاقتك الائتمانية.
هتقدر تدفع عن طريق التطبيق مدفوعات خدمات كتير زي شركات المحمول والإنترنت، ده غير فواتير الكهرباء والماء والغاز وأكتر.
حملوا التطبيق من هنا.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
