“أم كلثوم” و”أحمد حلمي” و”كنافة كوميدي” و”كولد بلاي” وأكثر.. استعدوا لخروجات الويك إند
اجازة نهاية الأسبوع القاهرة الويك إند حفلات في القاهرة حفلة أم كلثوم تعود في الساقية حفلة مسلم حفلة مصطفى كامل خروجات ساقية الصاوي ستاند اب كوميدي محمود كنافة مسرحيات في القاهرة معارض فنية في القاهرة
Cairo 360
القاهرة مليانة وحكايات وأسرار ومليانة تفاصيل في كل شبر فيها ومش بس كدا! كلها فن وثقافة وكل خطوة هتمشيها جواها أو براها، هتلاقي فعاليات ثقافية وفنية هتعجبك.. لو حابب تقضي ويك إيند لطيف.. تعالى معانا هنعرفك على كل الأحداث الثقافية والفنية اللي موجودة.
الخميس 5 سبتمبر 2024
أكيد وحشك صوت الست أم كلثوم وهي بتقول: “وابتدى الليل، الليل، الليل، الليل يبقى أطول من ساعاته وابتدى قلبي يدوبني، يدوبني بآهاته، بآهاته”.. هتقدر تسمع الإبداع ده وتقضي ليلة كلها طرب على خشبة مسرح ساقية الصاوي للعرائس بعنوان “الست تعود من جديد”.. التفاصيل كلها هنا.
لو عند موهبة في الغناء، أو حابب تسمع صوتك وأنت بتغني، يبقى لازم تحضر حفل كاريوكي في رووم آرت سبيس وتطلع كل اللي جواك.. والتفاصيل كلها هنا.
أما عشاق الفن التشكيلي فعلى موعد مع معرض “رؤى معاصرة” في نسخته الـ17 في المسار جاليري. الدخول مجانًا.. التفاصيل هنا. ومن الساعة 10 صباحًا ولحد الساعة 10 مساءً هتقدر تستمتع بمهرجان الصيف الفني في أوديسي آرت جاليري. الدخول مجانًا.. لتفاصيل أكتر هنا.
وكل اللي بيحبوا “كولد بلاي” هيقدروا يحضروا حفل مميز هيقدموها في الساقية مع تيم Strawberry Swing.. التفاصيل كاملة هنا.
الجمعة 6 سبتمبر 2024
لو بتحب المسرح وليك في الكوميديا، اوعى يفوتك حضور مسرحية “ميمو” اللي بيقوم ببطولتها الفنان أحمد حلمي ومجموعة كبيرة من الفنانين، وده على مسرح فندق جراند تاور.. لتفاصيل أكتر هنا.
ولو عاوز تهرب من زحمة القاهرة، يبقى جهز عربيتك واطلع قضي يوم جميل على البحر واحضر حفل “مُسلم” في نوتش بيتش، وتفاصيلها هنا.
كمان في نوتش بيتش هتقدر تحضر حفل مصطفى كامل واللي هيكون على البحر.. والتفاصيل كلها هنا.
لو حابب تقضي ليلة كلها فن بيقدمه مجموعة من الشباب المبدعين، احجز تذكرتك في حفل كيان باند في الساقية.. والتفاصيل كلها هنا.
الجمعة 7 سبتمبر 2024
ويا عشاق الحضارة المصرية والمغرمين بيها، احجزوا مكانكم في عرض الصوت والضوء علشان تعرفوا أكتر عن مصر وتاريخها.. التفاصيل كلها هنا.
ولو حابين تقضوا ليلة كلها ضحك، يبقى احضروا عرض “كنافة كوميدي نايت” في الساقية.. والتفاصيل كلها هنا.
وفي ساقية الصاوي كمان هتقدروا تحضروا حفل مميز للفنان مصطفى محمود، التفاصيل هنا.
ويك إند سعيد يا أهل القاهرة!
مقترح
الحياة في كايرو
تطبيقات هتسهل حياتك اليومية في القاهرة (دفع فواتير وإنهاء مصالح حكومية وأكثر)
بوابة وزارة الداخلية تطبيق فيزيتا +4
الحياة في كايرو
