The Definitive Guide to Living in the Capital , Cairo , Egypt

في الفترة الأخيرة بدأت الناس تبقى متحمسة للاستثمار الصغير وتدخل عالم الـ start ups  والـ entrepreneur أو رواد الأعمال الشباب، واتجه شباب كتير أنه يسيب شغله اللي في مؤسسة كبيرة ويبدأ يدور على الحاجة اللي بيحب يعملها وبيتقنها ويعمل بيها مشروع صغير، ومن هنا بدأت شركة ويشير – Ouishare واللي بدايتها كانت في فرنسا قبل ما تتجه لبلاد كتير منهم مصر السنة دي في أنها تعمل حدث يجمع أغلب الـ entrepreneurs  ويعمل لهم مساحة عمل آمنة يتعرفوا فيها على بعض ويقدروا يتعاونوا بأكتر من شكل ويعملوا حاجات مختلفة.

وبعد نجاح التجربة في أكتر من بلد قررت وي شير – Ouishare أنهم يعملوا حدث مختلف في مصر يجمع كل اللي عندهم  أفكار جديدة خاصة اللي متعلقة بالتكنولوجيا أو بالمجتمع، ويجمعوهم في حدث لمدة 3 أيام علشان يتعلموا أكثر عن الموضوع اللي عاوزين يشتغلوا عليه ويتعرفوا على ناس شبههم يساعدوهم. والمميز في الحدث ده أنه هيكون ولأول مرة zero waste  يعني من غير ما يرموا مخلفات مضرة للبيئة، كل حاجة في الحدث من أكواب وأوراق وأقلام، وغيره هيتم إعادة استخدامها علشان تبقى حاجة مفيدة.

الحدث هيكون من يوم 19 ليوم 21 أكتوبر 2018 في كيميت KMT Egypt في المعادي، وهيحاضر فيه محاضرين من كل العالم، وطبعًا مستثمرين و entrepreneurs  لو عاوز تكون جزء من الحدث ده وتحضر تقدر تتواصل معاهم وتحجز مكانك من على صفحتهم هنا.

أما لو عاوزين تاخدوا فكرة هيحصل إيه في الثلاث أيام فدي أجندة تقريبية للكورسات والدورات التدريبية اللي هتتعمل فيه:

أول يوم هيكون متعلق باهتمامات ومشاكل الإنسان أكتر زي تمكين المرأة وجو العمل الآمن وهيكون بالتعاون مع مؤسسة  “ومنتي – Womanity”

وثاني يوم هيكونوا مركزين فيه على التكلنولوجيا وكل حاجة متعلقة بيها، سواء المؤسسات أو المستثمرين أو الأفكار الجديدة وهيحاضر في الموضوع ده أكتر من حد زي مراد العشري مؤسس  pay me  ود. ماكسيميلين أبوليش مؤسس SEKEM  وناس تانية ممكن تعرفوهم من هنا.

أما ثالث يوم هيكون عن المدينة وإزاي نقدر نخليها أحسن عن طريق خدمات أو طرق مبتكرة أكتر.

المميز في الحدث أنه مش بينتهي في الثلاث أيام لكن بيشكل زي مجتمع صغير تقدر تتعرف عليه على ناس تساعدك في مجالك وبيستمروا في دعمك ومساعدتك ومدك بالخبرات اللي أنت محتاجها طول رحلتك لتحقيق مشروعك.

كمان هيكون فيه زي كامب في دهب مع سيمون سيسروا Simone Cicero  واللي هيكون موضوعه إزاي تطور مشروعك وتوسع علاقاتك سواء بالمؤسسات أو الناس أو أصحاب الأفكار اللي شبهك.

لو عاوزين تكونوا جزء من الحدث ده أو تعرفوا أي معلومات زيادة شوفوا صفحتهم على الفيسبوك هنا  أو الموقع بتاعهم هنا.