The Definitive Guide to Living in the Capital , Cairo , Egypt

حيرة كبيرة جدًا بـ تعاني منها أي عروسة في مرحلة التحضيرات، مش كفاية الشقة تكون جميلة وكل التفاصيل تكون تمام، قد ما أهم حاجة أنها تكون أجمل واحدة في يوم الفرح، طبعًا المسألة بـ تنقلب أحيانًا لمأساة لو وقعت العروسة في أيد كوافير أو بيوتي سنتر مش محترف بالقدر الكافي، رغم أن فيه أسماء كبيرة في عالم التجميل، لكن مش كلهم مع الضغط والإقبال الشديد بـ يكونوا على قدر المسئولية، والأسوأ أن بعضهم بـ يلغي شخصية العروسة تمامًا في يوم فرحها، وبـ يخرجها زيها زي كل اللي معاها نفس الشكل كأنها دخلت آلة طباعة!

مشكلة ثانية بـ تقابل كثير من البنات المرتبطين بعرسان محافظين، وهي اعتراض العريس على وجود رجل في مكان التجهيزات، ومش عاوزين نقول لكم كم المشاكل اللي بـ تحصل بسبب القصة دي لدرجة أن فيه جوازات بـ تتفركش، وأحيانًا العريس يفضل مخاصم عروسته مدة لما يكتشف أن البيوتي سنتر أو مكان التجهيز اللي كانت فيه كان داخله رجل أو أكثر.

المشكلة دي وغيرها مشاكل كثير زي الخصوصية والتفرد والتركيز والشعور بأنك ملكة متوجة بقيت محلولة مع الـ “Makeup Artist”، دول بنات متخصصين في مجال التجميل للعرائس وصديقاتهم يوم الفرح، أنت شغلها الشاغل وتركيزها بالكامل معاكي، مهامها محددة والنتيجة في الغالب رائعة، لذلكبعيدًا عن جو الزحمة والعصبية والعرايس اللي شبه بعض، حاولنا نوصل لأفضل خمسة Makeup Artists ممكن تروحيلهم وأنت مطمئنة.

منى الجمل

باختصار شديد ومن غير شرح كثير منى الجمل شعارها “كوني ملكة يوم زفافك”، جربنا منى بصورة شخصية والحقيقة أن المعاملة كانت رائعة منها، والالتزام كبير، بـ تروحيلها أو بـ تتصلي بها علشان تحجزي معاها وتعرفي اليوم ده لكي مكان أو لأ، وبـ تروحي تدفعي جزء أو كل المبلغ، وبـ تقوليلها أنت عاوزة في اليوم ده تخرجي الساعة كام من عندها، منى كمان بـ تعطي لكي إمكانية ثانية وهي أنها ممكن تيجيلك لحد عندك في الفندق اللي أنت فيه أو مكان الفرح تعمل لك الماكياج وتساعدك لو مش حابة أنك تروحي لها في المقر بتاعها.

الـ Package: 1750 جنيه شاملة مكياج وطرحة فقط، لو هـ يتعمل باديكير ومانيكير وتنظيف بشرة وBabylissبـ يرتفع السعر لـ 2000 جنيه، لو العروسة غير محجبة الماكياج والشعر2000 جنيه، وإضافة الباديكير والمانيكير والـ Babyliss وخلافه هـ يكون الإجمالي2200 جنيه.

علشان تعرفى العنوان والتليفون وتشوفى صور لشغلهازوري صفحتها على الفيسبوك.

رشا إسماعيل

رشا بـ تؤكد لكل زباينها فكرة “الجمال الطبيعي” وبـ تحاول باستمرار أنها تخليهم يدركوا أنهم “Ladies” مهما كان شكلها فيه شيء من الجمال ما بـ تشاركهاش فيه أي واحدة ثانية، وبـ تشجع كل زباينها سواء ناس عادية أو عرايس في خطوبة أو زفاف أنهم يأخذوا خطواتهم الجادة والثابتة تجاه اكتشاف جمالهم، وبـ تؤكد لهم من المنطلق دهأن دورها معاهم هو المساعدة في اكتشاف الجمال الخاص وإبرازه مش بس علشان الشكل يبقى حلو، لكن كمان علشان الشخصية تكون بارزة من خلال الماكياج.

الماكياج الصح والملابس الصح، والطرح والتسريحات الصح، الملائمة لشكل الجسم ولون البشرة والملامح، كل دي خطوات بـ تحطها رشا في الشكل النهائي المثالي والمظهر الأمثل.

الـ Package:

للزفاف: ماكياج ورموش ولف طرحة (داخل الصالون) بـ 1200 جنيه، أما ماكياج ورموش ولف طرحة (بره الصالون في نطاق مدينة مصر ومصر الجديدة) بـ 1400 جنيه.

للخطوبة: ماكياج ورموش وطرحة (داخل الصالون) بـ 850 جنيه، أما ماكياج ورموش وطرحة (خارج الصالون في نطاق مدينة مصر ومصر الجديدة) بـ 1000 جنيه.

لو حابة تشوفي شغل رشا زوري صفحتها على الفيسبوك، ولمعرفة طرق الاتصال بها.

نورا

نورا هو مركز تجميل وسبا في مدينة نصر، شغالة هي ومجموعة من المساعدات، كلهم شغلهم جميل، والميزة أنك بـ تختاري مين تعمل لك الماكياج وتقدري تختاري بين اختيارات كثير، مركز نورا مش بـ يتكلم كثير عن نفسه، لكن نظرة سريعة على العرايس الخارجين منه تخلينا متأكدين أنهم بـ يعتمدوا على البساطة والجمال.

فيه شوية تنبيهات بـ توجههم نورا وأخواتها للعرايس اللي رايحين، زي أن الحجز يفضل يكون قبل المناسبة بشهر أو اثنين، وأن الـ Package العادية مش زي أي Makeup Artistثانية بـ تقتصر على الطرحة والماكياج بس، لكن بـ يكون فيها باقي الحاجات من جلسات وغيره، كمان هم بـ يرفضوا يروحوا البيت أو المحافظات، والخروج بره الصالون بـ يكون في نطاق التجمع ومصر الجديدة والعبور والمطار ومدينة نصر فقط.

كمان هم عندهم نوعين في الـ Package، نوع أكسترا وده عبارة عن ماكياج، وحجاب أو شعر وتنظيف بشرة وتدليك سودانى، ودش Perfume، وحمام مغربي، وسويت كامل، ونصف ساعة مساج، وماسك للجسم، وباديكير ومانيكير. وعمل وش وحواجب، وقص وتركيب أظافر، وسيشوار وBabyliss، أما الباكيدج العادية فـ بتكون عبارة عن ميك أب، و لفة حجاب أو شعر.، وتنظيف بشره، ز باديكير مانيكير، ووجه وحواجب، وسيشوار وBabyliss.

الـ Package: لو مع نورا نفسها، العروسة المحجبة 4000 جنيه بالـ Package الأكسترا،3500 جنيه بالـ Package العادية، لو العروسة بشعرها 5000 جنيه بالـ Package الأكسترا، و4500جنيه بالـ Package العادية.

لو مع نهلة أو ندى أخوات آنسة نورا، المحجبة بـ 2900 جنيه بالـ Package الأكسترا، و2100بالـ Package العادية، لو مش محجبة3200 بالـ Package الأكسترا،2400 بالـ Package العادية.

المواعيد الرسميةمن 10 صباحًا إلى 8 مساءً، لو روحتى متأخرة هـ يكونوا قفلوا.. اعرفى أكثر عن السنتر من صفحتهم على الفيسبوك.

منى إسماعيل

بـ يقولوا الغالي ثمنه فيه، بصراحة ساعات بـ نقتنع بالمقولة دي، وساعات لأ، Makeup Artists كثير بـ يعملوا ماكياج حلو منهم منى إسماعيل لكن سعرها خضنا لما عرفناه خصوصًا لما اكتشفنا أن العروسة المحجبة أغلى، وأنها مش بتعمل فورمة الشعر لو العروسة مش محجبة، منى بـ تعمل ماكياجأكثر من رائع، ألوان رقيقة، وراقية جدًا، وفعلاً العرايس عندها مافيهمش غلطة، لكن كان نفسنا تكون أهدأ من كده شوية.

الـ Package: ماكياج وطرحة السنتر 3000 جنيه ولو خارج السنتر المبلغ بـ يتحدد حسب المكان، أما الماكياج فقط للعروسة غير المحجبة بـ 2500 جنيه، وفيه اختيار إضافي هو تركيب الأظافر والسيشوار والـ Babyliss تحت الطرحة بـ 120 جنيه.

السنتر موجود فى المهندسين.. شوفوا صفحتها على الفيسبوك.

مروة أباظة

بصراحة فيه ناس بـ تحب الماكياج الثقيل شوية، مروة أباظة بعكس كل الـ Makeup Artists الباقيين بـ تؤمن أن الألوان لها دورها في إبراز الوجه، لاحظنا أنها بـ تحط كريم أساس وألوان ملفتة، لكنها في النهاية مميزة ومانقدرش نقول حاجة عنها.

الـ Package:ماكياج وطرحة وبروفة 3500 جنيه، وماكياج بس بدون طرحة 2500 جنيه، و1000 جنيه ساونا وباديكير وتنظيف بشرة وسويت، ودي حاجة اختيارية.

السنتر فى مصر الجديدة، ودي صفحتها على الفيسبوك.