The Definitive Guide to Living in the Capital , Cairo , Egypt

في قلب العباسية، وتحديدًا جوه مقر قطاع الأحوال المدنية، المستقبل بقى واقع! مع خدمة “أحوال إكسبريس”، مش هتحتاج أكتر من 20 دقيقة علشان تستلم بطاقة الرقم القومي الخاصة بك، من غير انتظار طويل ولا دوخة مكاتب.

الخدمة دي غيرت مفهوم استخراج الأوراق الرسمية تمامًا، وحولتها لخطوات بسيطة وسريعة، بتليق بمواطن يستاهل الأفضل. الوحدة دي مش مجرد مكان حكومي عادي، دي تجربة جديدة بتجمع بين التكنولوجيا والسرعة، ومجهزة بأحدث الأجهزة اللي بتنجز كل حاجة في وقت قياسي.

ومن الحاجات الجديدة كمان، ماكينة القيد العائلي الذكية اللي بتشتغل زي ماكينة الـATM. بمجرد ما تحط بصمة وشك أو صباعك، الماكينة بتتعرف عليك وتطلعلك القيد العائلي فورًا بعد ما تتحقق من بياناتك.

خدمة متنقلة توصلك لحد بابك!
خدمة “أحوال إكسبريس” مش مقتصرة على مقر العباسية، فيه سيارات متنقلة مجهزة بنفس التكنولوجيا بتلف على كل المناطق. يعني حتى لو مش قادر تروح العباسية، الخدمة هتوصلك لحد باب بيتك!

ولو عايز تعرف أكتر أو تطلب الخدمة، اتصل على الأرقام دي:
15340 للمواطنين.
15341 لكبار السن وذوي الهمم.