أحلى 5 أماكن في القاهرة تقضي فيهم يوم على حمام السباحة
القاهرة حمامات سباحة في القاهرة خروجات داي يوز
Cairo 360
الحر ده محتاج حمام سباحة! كام مرة بتقول لنفسك الجملة دي في اليوم؟ أكيد كتير، ولو فاكر إن العوم بيكون في المصايف وبس تبقى غلطان.. ممكن تروح مكان جميل في القاهرة وتقضي يوم على حمام السباحة.. اهرب من الشغل والضغط وعيش أوقات مميزة في أحلى 5 أماكن في القاهرة هتبسط فيهم وتبلبط في المياه.
هو المكان المعروف باستضافته أفراح وسهرات هايلة، مش بس كده، ومحمد علي رويال كلوب كمان عنده حمام سباحة عظيم تقدر تتفرج منه على المعمار الإسلامي المبهر. تقدر تقضي هناك بيوم كامل على حمام السباحة مع أصحابك وعائلتك بسعر مناسب، علشان تعرف التفصيل اضغط هنا.
لو نفسك تقضي يوم ممتع على حمام سباحة في قلب القاهرة، عليك وعلى ريتز كارلتون. هناك هتقدر تستمتع بحمام سباحة ريتز كارلتون النيل الضخم مع كابينة مجهزة بالكامل ومكسرات وفواكه موسمية ومشروبات غازية وكمان تقدر تدخل المنتجع الصحّي. لمعلومات أكثر اتصل على 0225778899.
ممكن تروحه في الويك إند وهناك هتستمتع بمنظر النيل ووسط البلد وأنت بتعوم في حمام سباحة فندق كونراد. ممكن تقضي يوم على حمام السباحة وكمان تقدر تستخدم الساونا والجيم واللوكرات. لمعلومات أكثر عن عروضهم، اتصل على 0225808000.
مع حمام سباحة فيرمونت نايل سيتي الموجود فوق روف الفندق وإطلالته الرائعة على القاهرة كلها – واللي أماكن قليلة في القاهرة بتقدر توفر مكان زيه – تقدر تقضي يوم عليه وتستخدم الساونا وغرفة البخار. لمعلومات أكثر عن أسعار فيرمونت، اتصل على 0224619494.
أخر مكان معانا يعتبر من أحسن حمامات السباحة من ناحية الأسعار، سقارة كانتري كلوب بيقدم عرض مميز لتقضية يوم على حمام السباحة بسعر رمزي للفرد. وهناك تقدر تستمتع بيوم على حمام السباحة شامل وجبة غداء. لمعرفة التفاصيل اضغط هنا.
