The Definitive Guide to Living in the Capital , Cairo , Egypt

مافيش شك أن فيلم Oppenheimer يعتبر واحد من أكتر الأفلام المُنتظر صدورها في 2023. بسبب الدعاية المكثفة اللي حظى بيها الفيلم. والكلام عنه كواحد من أفضل أفلام العالم من حيث التقنية وجودة التصوير. والحقيقة يعني أن محبي هوليوود مش محتاجين الدعاية والكلام عن جودة التصوير وما الى ذلك. لأن اسم كريستوفر نولان كمخرج للفيلم كفيل بعمل الدعاية اللازمة

“نولان” هو مخرج مجموعة من أحلى وأعظم الأفلام في عالم السينما. بنتكلم عن أعمال زي The Prestige وInception وInterstellar وDunkirk، ده غير إخراجه لسلسلة أفلام تناولت شخصية بات مان بأفضل ما يكون.

تعالوا نتعرف على مجموعة معلومات مش كلكم تعرفوها عن Oppenheimer الفيلم المرتقب لكريستوفر نولان. اللي المفترض يبدأ عرضه في 21 يوليو القادم. واللي بيعود بينا لفترة الحرب العالمية الثانية، وبالأخص في كواليس صناعة القنبلة النووية اللي غيرت عالمنا المعاصر، حتى لحظة كتابة السطور دي.

• علشان يتم تصوير مشاهد الأبيض وأسود في الفيلم بنفس دقة مشاهد الألوان، شركة كوداك العالمية، صممت أول كاميرا IMAX في العالم مخصصة للتصوير بالأبيض وأسود!

• الممثل جوش هارتنيت اللي بيشارك في الفيلم، كان واحد من 3 مرشحين لفيلم Batman Begins اللي أخرجه كريستوفر نولان. لكنه اعتذر قبل بداية تصوير الفيلم، وبعد كده أعلن عن ندمه على الرفض وتمنى لو تجمعه الفرصة تاني مع “نولان”، وده اللي حصل من خلال فيلم Oppenheimer. الغريب أن معاد العرض العالمي للفيلم هو نفس يوم عيد ميلاد “هارتينت”!

• فريق عمل الفيلم بيتضمن 5 فائزين بالأوسكار: كيسي أفليك، والسير كينيث براناه، ومات ديمون، وغاري أولدمان، ورامي مالك، وثلاثة مرشحين لجائزة الأوسكار: روبرت داوني جونيور، وتوم كونتي، وفلورنس بوج.

• الفيلم هو ثاني أفلام “نولان” اللي بتتناول أحداث الحرب العالمية الثانية بعد Dunkirk المنتج سنة 2017.

• أول فيلم لكريستوفر “نولان” يحصل على تصنيف رقابي R بعد Insomnia إنتاج 2002.

• “نولان” أعلن أن الفيلم تم تصويره بدون خدع CGI. وده معناه أن حتى مشاهد الانفجار النووي تم تصويرها بشكل أشبه ما يكون بالحقيقة بدون تدخل من تقنيات الخدع السينمائية الرقمية.

كل اللي علينا دلوقت هو إننا نعد الأيام الباقية. ونبدأ نجهز نفسنا لمغامرة سينمائية جديدة ومجنونة. مع فيلم Oppenheimer.