كتير من الوقت بنحس أن بعض الأفلام بيتم تقديمها في السينمات، فقط علشان المنتجين والمخرجين يشهروا أسمائهم في المجال. أما النجاح، ده بيكون آخر شيء بيسعوا له. والغرض الأساسي هو تحقيق الأرباح من خلال البيع على اسطوانات. أو خدمات المشاهدة المدفوعة زي Netflix. وبنعتقد أن فيلم Malicious واحد من الأفلام دي.
فيلم Malicious بيحكي عن زوجين في انتظار أول مولود لهم. لكن بتبدأ مجموعة من الأحداث المرعبة والغامضة في الظهور حواليهم. وبيحسوا أنهم بيتعاملوا مع كيان شرير غير عادي. ده بيخليهم يحاولوا يستعينوا بشخص متخصص وفاهم العالم الغريب ده.
زي ما قولنا مافيش أي جديد على مستوى القصة أو السيناريو اللي كتبهم “مايكل وينيك”. المشهور بأعمال على نفس المستوى تقريبًا زي Guns, Girls and Gambling أو Code of honor، وغيرها من الأعمال اللي بتدور في نفس الفلك من التكرار والنحت.
الفنانة “بوجانا نوفاكوفيتش” اللي لعبت ليزا، قدرت تقدم دور قوي جدًا. على الرغم من ضعف الفيلم بشكل عام. كمان “ديلروي ليندو” في دور الدكتور كلارك كان مميز. وقدر يقدمه بشكل جيد يخليه تقريبًا صاحب أفضل أداء تمثيلي في الفيلم.
المؤثرات الخاصة والخدع السينمائية كانت من الأمور اللي ما عجبتناش في الفيلم. مستواها كان ضعيف جدًا. كمان الحبكة المكررة والقصة اللي شوفناها في ألف فيلم رعب تاني. وطبعا مشاهد الرعب بالخضات، اللي تعتبر من أقل أساليب الرعب احترافية.
Malicious فيلم رعب مش بيقدم أي جديد. لكن هيعجب المهووسين بأفلام الرعب ومتابعي كل جديد بيظهر في السينمات، حتى لو المستوى كان ضعيف.
أكتب تقييم
مقترح
معالم وسياحة
رحلة إلى سقارة: اكتشف أسرار التاريخ واستمتع بجولة ماتتنسيش
اثار سقارة ازاي تروح سقارة +4
الحياة في كايرو
