الفيلم بيحكي عن زوجين بيقرروا يتبنوا 3 أطفال. وفي البداية بتكون كل الأمور كويسة وبيطلعوا رحلة أسرية مع بعض. لكن مع مرور الوقت بتتحول كل الأمور بشكل كبير. بينتج عنها مواقف كوميدية مابتنتهيش.
أبطال الفيلم “مارك وولبرج” و”روز بايرن” قدموا أداء عادي متوقع منهم في النوعية دي من الأفلام. لكن عاجبنا تطور أداء “وولبرج” ومحاولته يغير أدواره. اللي بتتمثل في التنويع بين الكوميديا والأكشن. كمان “إيزابيل مونر” و”جوستافو كويروز” قدموا أداء مميز وملحوظ.
على الرغم من الحبكة المكررة، إلا إن الفيلم قدمها على الشاشة بشكل رائع. وقدر يوصل الجانب الإنساني بقوة. رغم إن الكوميديا هي العنصر الأساسي في الأحداث.
من الأمور اللي عجبتنا في الفيلم، اختيار أماكن التصوير، والاهتمام بتقديم كادرات سينمائية جيدة ومميزة. ودي كلها أمور ساعدت على شعورنا بأحداث الفيلم بشكل أكبر. لكن من ناحية تانيه الموسيقى التصويرية كانت غير مؤثرة وتقليدية.
Instant Family فيلم كوميدي إنساني. ونرشحه لكم لو عاوزين تقضوا وقت ممتع مع الأصدقاء أو العيلة.
