The Definitive Guide to Living in the Capital , Cairo , Egypt

بقى لنا كتير ما شوفناش فيلم رعب وغموض حلو! ونقدر نقول إن فيلم Here Alone فيلم كويس رغم إنه مش بنفس قوة أفلام رعب كتير شوفناها في الماضي، لكن الفيلم مش سيء وممكن محبي الغموض والرعب يجدوا فيه كتير من الأمور الإيجابية.

القصة

الفيلم بيحكي عن سيدة بتحاول تظل على قيد الحياة من خلال الصراع من أجل البقاء ضد كتير من العوامل البيئية والغامضة والمرعبة، بعد ما بيصيب المنطقة اللي عايشة فيها وباء غامض بيقضي على الجميع. ثم بتتطور الأحداث علشان نعرف هل هتقدر تنجو أم هتستسلم للمصير القاتل.

فريق العمل

الفيلم من إخراج رود بلاكهورست ومن تأليف ديفيد إبلتوفت، أما البطولة فكانت من نصيب لوسي والترز وآدم ديفيد تومبسون مع شين ويست وجينا بيرسانتي.

الأداء التمثيلي

القلة النسبية لفريق العمل جعلت من الأداء التمثيلي مهمة صعبة بيحاول كل ممثل فيها إنه يقدم أفضل ما عنده. ده جعل الأداء التمثيلي من كل الممثلين تقريبًا قوي ومحترم، لكن في نفس الوقت عيوب السيناريو والإخراج جعلت جزء كبير من مجهود التمثيل يضيع بدون فايدة، لكن مانقدرش ننكر أن الأداء التمثيلي كان قوي ومميز.

السيناريو والحوار والإخراج

سيناريو الفيلم كان محتاج يكون أكثر قوة، وكان محتاج يقدم لنا جرعة أكبر من الرعب على مدار الأحداث، لأن السيناريو في رأينا كان ممل وكان بخيل في تقديم مشاهد الرعب والإثارة، لكن في المقابل كان بيقدم تمهيد جيد من خلال الأحداث اللي بتحصل قبل مشاهد الرعب أو الإثارة.

الحوار في الفيلم كان قوي على الرغم من قلته، وكل الأمور دي تشير لقوة الإخراج فقط لو كان السيناريو أفضل وأقل مللًا.

الديكورات والموسيقى والأزياء

البطل الحقيقي للفيلم كان المؤثرات الخاصة والملابس والديكورات اللي تم تصوير الفيلم فيها، كمان اللعب بالإضاءة وتنويعاتها وحركة الكاميرا، كلها أمور تحسب للفيلم مش عليه.

الخلاصة

فيلم Here Alone مش أفضل فيلم غموض أو رعب شوفناه، لكنه فيلم جيد يستحق نتفرج عليه.

علشان تبقى عارف:

الفيلم حصل على تقييم 5.6 من 10 على موقع IMDB من حوالي 3000 مستخدم للموقع قاموا بتقييمه.