The Definitive Guide to Living in the Capital , Cairo , Egypt

بعض الأفلام بيكون عندها كل عوامل النجاح لكن في النهاية مش بتنجح، لما بنشوف الحالة دي قدامنا بنعرف إن المشكلة في حاجة من الاتنين، يا إما القصة ضعيفة أو الإخراج مش قادر يستغل عناصر النجاح علشان يقدم فيلم ناجح، والسبب التاني ده، هو تحديدًا اللي حصل في فيلم Haunt.

فيلم Haunt بيحكي عن مجموعة من الأصدقاء بيقرروا يشاركوا في تجربة مختلفة في واحد من بيوت الرعب، التجربة بتبدأ في الأول على إنها لعبة أو تجربة بسيطة لوقت محدد، لكن مع الوقت بتتحول لصراع وسباق للبقاء على قيد الحياة.

على الرغم من إن تيمة الفيلم وقصته مش جديدة، لكن تنفيذ الفيلم على الشاشة كان ممكن يكون أقوى، ومن هنا نقدر نقول إن الإخراج المشترك لـ “بريان وودز” و”سكوت بك” كان باين جدًا إنه مشتت، حتى إننا بناخد وقت علشان نفهم هل الفيلم بيتكلم عن قاتل متسلسل ولا كيان خفي زي الأشباح والأرواح، وطبعًا الفرق بينهم كبير.

أحلى حاجة في Haunt من وجهة نظرنا المتواضعة كانت الأداء التمثيلي من “أندرو كالدويل” و”صامويل سي هانت” و”شازي راجا” وباقي أبطال الفيلم، خاصةً إن السيناريو كان مهتم يعرفنا تفاصيل وخلفية اجتماعية بعض الأبطال وبالتالي حسينا ببعض التعاطف معاهم لما بدأ الرعب، لكن طبعًا مكانش في وقت كافي إن الفيلم يدخلنا في الخلفية النفسية لكل واحد من أبطال الفيلم.