The Definitive Guide to Living in the Capital , Cairo , Egypt

لما بنتكلم عن أقوى وأفضل أفلام الأنيميشن في العالم، يبقى أكيد بنتكلم عن أفلام الأنيميشن الأمريكية اللي بتنتجها شركات زي “بيكسار” و”ديزني”، لكن ده لا ينفي إن في محاولات قوية من جهات إنتاج صينية ومنها فيلمنا النهارده Bonnie Bears: Blast Into The Past.

فيلم Bonnie Bears: Blast Into The Past بيحكي عن مجموعة من الدببة هترجع بالزمن للعصر البدائي، وبيبدأوا يتعاملوا بقواعد وقوانين الفترة دي في جو من المغامرة والإثارة.

بنشوف في الفيلم أداء صوتي من “جوزيف إس لامبرت” و”سيوبهان لومزدن” و”كريس بويك” وباقي الممثلين قدموا أداء متوسط، وحسينا في بعض المشاهد إن الصوت مش ماشي مع المشاهد اللي بنشوفها على الشاشة، لكن الأداء الصوتي في حالة Bonnie Bears: Blast Into The Past مش أهم عنصر من عناصر الفيلم لو قارنها بالرسومات ودقتها واللي كانت جميلة جدًا، ده غير طريقة تحريك الشخصيات على الشاشة اللي كانت مبهرة، وباين إن متعوب عليها أوي.

لكن بشكل عام Bonnie Bears: Blast Into The Past مش بيقدم حبكة مختلفة عن باقي الأفلام الأمريكية المشابهة، وده له ميزة وعيب، فهو من ناحية بيلعب على نفس عوامل القوة والنجاح اللي بيلعب عليها أي فيلم أمريكي تاني، لكن من ناحية تانية مش بيقدم أي بصمة مختلفة أو طريقة جديدة في حكاية القصة وتقديمها لنا كمشاهدين.