The Definitive Guide to Living in the Capital , Cairo , Egypt

المميز في فيلم Blade Runner 2049 أنه بعد 35 سنة من صدور الجزء الأول لسة الفيلم قادر ياخد نفس الخط العام للأحداث.

القصة

الفيلم بيستكمل أحداثه من الجزء السابق، وبيستعرض قصة ألـ ( بليد رانر) الجديد واللي بيبدأ التحقيق في قضية وأحداث جديدة وغامضة من الممكن أنها تأثر على مستقبل العالم بالكامل. كمان في خضم التحقيق في الأدلة بيبدأ محاولة الوصول للبليد رانر السابق والمفقود من سنوات طويلة.

فريق العمل

الفيلم من تأليف هامبتون فانشر وسيناريو وحوار ريدلي سكوت وإخراج دينيس فيلنوف، ومن بطولة ريان جوسلينج وهاريسون فورد وجاريد ليتو وروبن رايت وآنا دي أرماس وديف باتيستا.

الأداء التمثيلي

من أكتر الأمور المميزة في الفيلم هي قدرة الممثلين على استيعاب الجزء الأول من الأحداث وقدرتهم على تقديم أداء تمثيلي حديث ومتجدد لكن في نفس الوقت مخلص للجزء الأول من الفيلم، أداء هاريسون فورد كان ضعيف على الرغم من أسمه الكبير.

السيناريو والحوار والإخراج

سيناريو الفيلم وإخراجه كان مخلص جدًا للجزء الأول للأحداث، مش بس كده، لكنه أيضًا قدر يبني عليه أحداث جديدة ويقدم بناء قوي ومميز بخصوص الأحداث وخط السير الخاص بالأحداث، كمان الإخراج قدر يوظف كافة عناصر الفيلم في صالحه، وقدر يقدم لنا كمشاهدين تجربة مشاهدة غير عادية وجديدة تمامًا.

الديكورات والموسيقى والأزياء

ديكورات الفيلم والملابس بتمثل نقلة قوية ومميزة في عالم الخدع السينمائية والديكورات والأزياء، وعلى الرغم من تميز العالم ده في معظم الأفلام اللي شوفناها مؤخرًا لكن الجزء الجديد من Blade runner قدر يقدم لنا حاجات جديدة ومشاهد مصنوعة بتقنيات الخدع السينمائية المميزة بشكل جديد علينا.

اختيار الملابس كمان كان موفق جدًا وفيه مجهود كبير.

الخلاصة

فيلم Blade Runner 2049 فيلم خيال علمي متميز، وجزء ثاني قوي ويستحق المشاهدة.

علشان تبقى عارف:

سافر (جاريد ليتو) إلى (بودابست) في سبتمبر 2016 لتصوير مشاهده، وانتهى من تصويرها في أقل من أسبوعين.