“حلمي” و”السقا” و”منى زكي” ونجوم أكتر.. دليلك لأفلام عيد الفطر 2022
أفلام عيد الفطر دليل أفلام العيد 2022 سينما عيد الفطر سينمات القاهرة في العيد
Cairo 360
عيد الفطر من سنين طويلة في مصر وهو موسم سينمائي مميز جدًا، يمكن علشان بنكون واخدين إجازة من السينما طول شهر رمضان فبتكون واحشانا قوي. والسنة دي هنشوف في موسم عيد الفطر 2022 مجموعة من الأفلام المصرية اللي بتتنوع ما بين الأكشن والكوميديا والدراما.
تعالوا نعرف تفاصيل الأفلام اللي هتتعرض خلال أيام العيد في السينمات.
واحد تاني
النجم المحبوب أحمد حلمي راجع للسينما، بفيلم “واحد تاني”، هيظهر خلاله أحداث الفيلم بشخصيتين مختلفين عن بعض. بيشاركه في البطولة عدد من الفنانين منهم: عمرو عبد الجليل، روبي، أحمد مالك، نسرين أمين.
العنكبوت
اتأجل طرحه 3 سنين لأكتر من سبب، الفيلم هيجمع السقا ومنى زكي بعد غياب، أحداثه بتدور في إطار من الأكشن والرومانسية، بيواجه “السقا” صراعات مع رجال المافيا بسبب سلوك أخوه اللي بيجسد دوره “ظافر العابدين”، والكل بيبحث عن “العكنبوت”، خاصة إن “السقا” طول أحداث الفيلم بيكون متخفي في ماسك وبدلة سوداء فى كل عملية بيقوم بها.
أشباح أوروبا
بعد تأجيل عرضه أكتر من مرة، قررت الشركة المنتجة لفيلم “أشباح أوروبا” طرحه في موسم أفلام عيد الفطر 2022، أحداثه بتدور في إطار من الأكشن والإثارة، وبيقوم ببطولته هيفاء وهبي، أحمد الفيشاوي، ومصطفى خاطر، وباسم سمرة، وأروى جودة، وعباس أبو الحسن، من إخراج محمد حماقي.
زومبي
بتدور أحداثه في إطار كوميدي عن فرقة غناء شعبية، بقيادة علي ربيع اللي بيظهر في دور مطرب مهرجانات، وبيشاركه البطولة حمدي الميرغني وبيجسد شخصية شاعر غنائي، وبيشاركهم عدد من الفنانين منهم، كريم عفيفي، هاجر أحمد، محمد أوتاكا، عارفة عبد الرسول، محمد محمود، من تأليف أمين جمال ووليد أبو المجد، وإخراج عمرو صلاح.
فارس
أول بطولة للفنان أحمد زاهر في السبنما، بيجسد خلاله شخصية بطل شعبي بيشتغل عامل في محطة بنزين، ويدخل في صراع مع رجل أعمال صاحب سلطة ونفوذ، وبتبدأ بينهم سلسلة مطاردات ومعارك وتورط في جرائم قتل، بيشاركه البطولة الفنان حسين فهمي، صلاح عبدالله، منة فضالي، عابد عناني، دارين حداد، ملك أحمد زاهر، تأليف حسام موسي، إخراج رؤوف عبدالعزيز.
بيشارك في بطولة الفيلم عدد من النجوم، زي: يسرا اللوزي، أحمد فؤاد سليم، محمد لطفي، زكي فطين عبد الوهاب، شيماء سيف، إخراج أحمد نادر جلال، وتأليف محمد ناير، وإنتاج وليد صبري.
وكل سنة وأنتم طيبين يا أهل القاهرة، فريق كايرو 360 بيتمنى لكم عيد سعيد!
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
