دليل العيد 2024 (1): أفضل شركات السفر للمدن المصرية السياحية
أتوبيسات سفر أتوبيسات شرم الشيخ أتوبيسات للمدن السياحية السفر لدهب السفر للغردقة حجز أتوبيسات سفر سفر في العيد سفريات العيد مواصلات مصر موعد أتوبيسات السفر
Mohamed Talaat
الصورة الرئيسية: E Orlando
السفر من أهم الحاجات اللي بنعملها علشان نفصل من ضغوط الحياة، وخاصة السفر للمدن الساحلية، وبما أن إجازة عيد الفطر 2024 قربت فأكيد من ضمن خططنا أننا نسافر بره القاهرة علشان نغير جو ونستمتع بأجواء العيد بعيدًا عن الضغوط والحياة الصعبة في القاهرة، وطبعًا أول حاجة بنعملها في تخطيط رحلاتنا هي أننا نلاقي شركة نقل نسافر بيها بره القاهرة وتكون مريحة وكويسة.
هنعرفكم على 5 شركات تقدروا تسافروا من خلالها لأماكن مميزة خارج القاهرة وخاصة المدن الساحلية.
جو باص
من أهم شركات النقل الجماعي في القاهرة وعندهم فروع كتير وبيوصلوا لمحافظات أكتر، وهتلقوهم موجودين في ميدان عبد المنعم رياض – مدينة نصر – نادي السكة – الجيزة – ألماظة – الشيخ زايد – التجمع الخامس – الرحاب – مدينتي – القللي – 6 أكتوبر – بوابات إسكندرية.
وتقدروا تعرفوا أكتر عنهم من خلال الموقع الرسمي من هنا.
وايت باص
رغم حداثتها في السوق، إلا أنها قدرت تكسب ثقة الركاب اللي جربوها، وهما موجودين في الجيزة – 6 أكتوبر – رمسيس – نادي السكة – المعادي.
وتقدروا تعرفوا أكتر عنهم من خلال الموقع الرسمي من هنا.
هاي جيت
من الشركات اللي لها خبرة كبيرة في نقل الركاب للمدن السياحية خصوصًا الغردقة وشرم الشيخ، وفروعهم في القاهرة موجودة في أحمد حلمي – القللي – مدينة نصر.
تقدروا تعرفوا أكتر عنهم من خلال الموقع الرسمي من هنا.
جولدن باص
شركة حديثة لكن مميزة، وموجودين في أكتوبر – رمسيس – جامعة القاهرة – شيراتون – ألماظة – فيصل – التحرير – العباسية – مدينة نصر – الدقي – المريوطية.
تقدروا تعرفوا أكتر عنهم من خلال الموقع الرسمي من هنا.
وي باص
متخصصة في السفر للمدن الساحلية وهتلاقوا لهم خطوط لرفح وطابا وسانت كاترين مباشر، وهما موجودين في القاهرة بمحطات ميدان لبنان- عبد المنعم رياض – المرغني – الشيخ زايد – مدينتي – نادي السكة – الرحاب.
تقدروا تعرفوا أكتر عنهم من خلال الموقع الرسمي من هنا.
