الإندبندنت اختارت القاهرة في المركز الأول كأحسن مدينة ممكن تزورها في 2019
1 الإندبندنت القاهرة المتحف المصري رقم واحد
Omar Abd-elmaqsoud
من يومين بالضبط، جريدة الإندبندنت البريطانية قالت في تصنيفها لأحسن 10 مدن في العالم ممكن الواحد يزورها في 2019 إن القاهرة هي رقم (1) في التصنيف، متفوقه في ده على عدد من المدن العالمية زي “ماتيرا” في ايطاليا و”بيرث” في استراليا و”ليون” في فرنسا.
الإندبندنت قالت في تصنيفها إن عدد زوار القاهرة من السياح والأجانب ارتفع في 2017 مقارنةً بـ 2016 وده مؤشر مهم جداً على نمو القطاع السياحي في مصر اللي كان بيعاني من فترة.
وطبعًا أشادت الإندبندنت بالمتحف المصري الكبير اللي منتظر افتتاحه في 2020، واللي تكلفته تخطت المليار دولار، واعتبرته “جوهرة” جديدة في “تاج” القاهرة.
ومن المعروف على مستوى العالم إن المتحف المصري الكبير هيستضيف المجموعة الكاملة لمقبرة الملك توت عنخ آمون لأول مرة على الإطلاق، وده هيكون ضمن خطة مش سهلة خالص لإعادة بناء المقبرة اللي هيشرف عليها عدد من خبراء اعادة الترميم في العالم.
