The Definitive Guide to Living in the Capital , Cairo , Egypt

من وقت افتتاحه، والمتحف القومي للحضارة المصرية بيقدم تجارب عصرية لزواره، وأحدث خدمات المتحف الرقمية هي مشروع “إنستجرام فيلترز”، اللي بيهدف لعمل محاكاة استراتيجية عن طريق استخدام تكنولوجيا الواقع الافتراضي، والقنية دي نتاج اتفاقية تعاون بين المتحف القومي للحضارة المصرية وشركة ميتا العالمية.

تعالوا نتعرف أكثر على تقنية “إنستجرام فيلترز” الجديدة في المتحف القومي للحضارة من خلال 3 معلومات فيهم الخلاصة.

1 – الهدف من تقنية “إنستجرام فيلترز” هو إظهار الشكل الواقعي للآثار، وحدد المتحف 8 قطع من الآثار المصرية بعناية، بيمثلوا حقبة معينة من كل زمن.

2 – تقدروا تستخدموا تقنية “إنستجرام فيلترز” اللي بتتم بالتعاون مع شركة ميتا العالمية، من خلال عمل Scan باستخدام إنستجرام لكل القطع الأثرية، وهتظهر لكم كل المعلومات الخاصة بالقطع الآثرية، واللي تم اختيارها وفقًا لأهميتها ولإظهار الحقب التاريخية المختلفة للحضارة المصرية.

3 – المشروع بيهدف لرفع الوعي الثقافي والأثري بين الشباب بمصر، وتعزيز التفاعل حول موضوعات تتعلق بالمتحف، وفي نفس الوقت القيام بدور ترفيهي وتعليمي.