مُتَرجمين للعربية.. اتعرفوا على 5 من الكتب الأكثر قراءة في العالم
الكتب الأكثر قراءة في العالم الكتب الأكثر مبيعاً في العالم كتب مترجمة للعربية مكتبات القاهرة
Mohamed Talaat
لو كنت من عشاق الكتب، فأكيد سألت نفسك قبل كدة: إيه هي الكتب الأكثر قراءة في العالم في الوقت ده، وهنا إحنا مش بنتكلم عن الكتب الدينية زي القرآن والإنجيل والتوراة، لكننا بنتكلم عن كتب في مجالات أدبية مختلفة.. في الموضوع ده هنتعرف على 5 من أكثر الكتب قراءة في العالم كله.. جاهزين؟ طب يلا بينا.
1 – الكتاب الأحمر
نقدر نعتبر كتاب “مقتطفات من أقوال ماو تسي تونغ” المشهور عالميًا باسم “الكتاب الأحمر”، هو أكثر الكتب قراءة في العالم حاليًا، والكتاب صدر بين عامي 1964 و1976 وبيضم خطب الرئيس الصيني الراحل ماوتسي تونغ وأقواله.
“الكتاب الأحمر” تم ترجمته لكل لغات العالم، وصدرت منه طبعات شعبية، وبتقول بعض المصادر إن عدد النسخ اللي طُبعت من الكتاب بتتعدى 6 مليارات نسخة، وباع الكتاب ده لحد النهارده أكتر من 820 مليون نسخة، ودخل موسوعة جينيس للأرقام القياسية باعتباره الكتاب الأكثر قراءة بعد الكتاب المقدس.
2 – هاري بوتر
بتعتبر سلسلة روايات “هاري بوتر” للروائية البريطانية ج. ك. رولنج هي ثاني أكثر الكتب اللي بيقرأها العالم حاليًا، وبتتناول السلسلة الخيالية حكاية الصبي الساحر “هاري بوتر”، وظهرت النسخة الأولى من السلسلة باللغة الإنجليزية سنة 1997 بعنوان “هاري بوتر وحجر الفلاسفة” وتوالت الأجزاء بعد كدة.
“هاري بوتر”، اللي تم تجسيدها على شاشة السينما، باعت أكثر من 500 مليون نسخة في كل أنحاء العالم، وهي السلسلة الروائية الأكثر مبيعًا عبر العصور، كمان بتعتبر الرواية الأكثر ترجمة في التاريخ بعد ما تم ترجمتها لأكثر من 73 لغة حول العالم.
3 – الخيميائي
نشر الكاتب البرازيلي باولو كويلو روايته “الخيميائي” عام 1988، والرواية صدرت أول مرة باللغة البرتغالية، والغريب إن “كويلو” كتب روايته في أسبوعين بس، وبرر السرعة في كتابتها بأنها كانت “مكتوبة في روحه”.
الرواية نشرت في البداية عن طريق دار نشر متواضعة في البرازيل، لكنها حققت نجاح مذهل بعد نشرها بالفرنسية، وتم ترجمة الخيميائي لـ 67 لغة حول العالم وباعت أكتر 65 مليون نسخة في 150 بلد.
4 – سيد الخواتم
سيد الخواتم هي رواية خيالية كتبها البريطاني جون رونالد تولكين، سنة 1954، وباعت لحد النهاردة أكتر من 150 مليون نسخة وتم ترجمتها تقريبًا لكل لغات العالم.
5 – شيفرة دافنشي
بتعتبر رواية “شيفرة دافنشي” أحد أكثر الكتب اللي بيقرأها العالم حاليًا، والرواية اللي بتجمع بين التشويق والغموض في إطار خيالي، بتبدأ بجريمة قتل غامضة في متحف اللوفر.
الرواية نشرها الكاتب الفرنسي دان برون عام 2003 ورغم منعها في عدة دول وتعرضها لانتقاد لاذع من الفاتيكان لتعرضها للثوابت المسيحية، لكنها حققت نجاح كبير واتحولت لفيلم سينمائي حقق نجاحا مذهل، وباعت الرواية أكثر من 65 مليون نسخة وتم ترجمتها لـ 44 لغة حول العالم.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
