“نيو كمال”.. سلاطة فواكه “تاريخية” في قلب الكوربة
سلاطة فواكه في القاهرة عنوان نيو كمال فروت سلاط محلات في الكوربة منيو نيو كمال نيو كمال
Cairo 360
رنا شرف
مصدر الصور: صفحة نيو كمال على فيسبوك.
القاهرة مستمرة في إبهارنا، مدينة عجيبة وفيها حكايات مثيرة. مؤخرًا، وإحنا بندور في كواليس الكوربة، قابلنا محل قديم، عمره تقريبًا 75 سنة! والمحل ده بيقدم منتج واحد مميز جدًا، وهو سلاطة الفواكه، أو الفروت سلاط.. إيه الحكاية؟ في السطور الجاية.
علامة من علامات الكوربة ومصر الجديدة، محل قديم بدأ شغله من سنة 1948 وقفل فترة لكنه رجع من تاني يقدم منتجاته بجودة ماتغيرتش! المحل اسمه “نيو كمال”، بيقدم فروت سلاط بمذاق مختلف عن أي مكان تاني، وده سر شهرته في حي مصر الجديدة.
ورغم إن المحل بيقدم منتجات تانية، زي البيفترول وبعض أنواع الحلويات، إلا أن سلاطة الفواكه اللي بيقدمها هي سر تميزه.
محل “نيو كمال” قفل لفترة، لكن دعوات كتير على الفيسبوك طالبت بإعادة افتتاحه، وبالفعل رجع في فترة جائحة كورونا، وقدم منتجاته من تاني، وفي شهر رمضان 2023 قرر يقدم يرجع بمنتجاته المميزة لجمهوره.
“نيو كمال” جزء مهم من ذاكرة حي مصر الجديدة، وكل تفصيلة في المكان بتحكي حكاية عن زواره من الهوانم والبشوات والبهوات وسكان الحي العريق.. حي مصر الجديدة.
تقدروه تعرفوا أكثر عن “نيو كمال” من خلال صفحتهم علي الفيس بوك هنا.
