The Definitive Guide to Living in the Capital , Cairo , Egypt

جنب أون ذا ران في شارع التحرير بالدقي، فيه كافيه صغير
كُنا دايماً عايزين نجربه بس بـ ننسى. وفي يوم قررنا نشوفه ونعرف إيه نظامه.

«سيدﭺ» مكان صغير  بديكور وقعدات عصرية،
كاونتر بسيط وخلفه ماكينة الإسبرسو اللامعة. رغم أنه كان فاضي لمّا رُحنا، بس باين
عليه أنه من نوع الكافيهات اللي تعدّي عليها عشان تاخد فنجان قهوة على الماشي.

رغم أن المنيو بـ يقول أن الشوربة، السلاطات، والساندوتشات
الساخنة والباردة متوفرين، لكن كل اللي كان محطوط على الرف كان عبارة عن كام علبة
متحضرة فيها سلاطات أو حلويات. السلاطات بـ تتراوح من 6 لـ 10 جنيه للشيف سالاد،
وده سعر رخيص جداً مقارنةً بالكافيهات التانية اللي موجودة في حي الدقي.

ولأننا بـ نحب الرغاوي، قررنا نجرب كاپوتشينو « سيدﭺ » (9 جنيه). وإتضايقنا لأن اللبن المنزوع الدسم ماكانش متوفر وقت ما
رُحنا. الكاپوتشينو كان محطوط في كوباية صغيرة من الكرتون تصلح أنك تأخذها وتمشي.
ورغم أن الكوباية كان عليها الفوم (أو الرغاوي)، بس القهوة ماكانش كان ناقصها حاجة
برضه.

وعلى عكس الكاپوتشينو، عصير المانجو الفريش (6 جنيه) كان
معمول حلو قوي ومليان بقطع المانجو، بس السكر كان زيادة حبتين. فيه عصاير تانية
متوفرة زي الفراولة والبرتقال، يعني كلها حاجات عادية.

بـ 6 جنيه، كان فيه كوباية من كاسترد الفانيليا والشيكولاتة
متحضرة حلو جداً بقوام متماسك، ونكهة غنية.

من إختيارات المشروبات اللي لفتت نظرنا برضه كان موكا
السحلب (12 جنيه)، وشاي بالأعشاب.

« سيدﭺ » هو كافيه تقدر تروح له لو عايز فنجان قهوة رخيص
ومش فارق معك جودته.