الطعم هيوصل للقلب.. 5 محلات أرز باللبن هتخليكم مبسوطين!
أرز باللبن أرز باللبن المدينة المنورة أفضل أماكن الأرز باللبن أكلة أرز باللبن المالكي كسكسي أبو أحمد
Mohamed Talaat
أكلة الأرز باللبن غريبة حبتين، فهي تنفع تصبيرة أو تكون وجبة أساسية أو حتى حلو، ومالهاش ميعاد محدد تاكلها فيه، ورغم أنها خفيفة على قلوبنا إلا أنها بردوا دسمة لأنها بتتعمل من لبن طبيعي، وممكن تضيفوا ليها أي حاجة “قشطة – فاكهة – بسبوسة.. الخ”، مش هتقول لأ، تحسوها أكلة قنوعة كده وكل اللي يهمها إنها ترضيكم، وعندها مبدأ مش مهم هتاكلوني إمتى الأهم تستمتعوا بالطعم، وعلشان كده قررنا نرشح لكم 5 أماكن في القاهرة بتعمل أرز باللبن، وماتنسوش لو عندكم أماكن حلوة قولولنا عليها وإحنا هنروح نجربها ونقول لكم رأينا في مقال تاني.
أبو أحمد
أيوة هو أشهر حد بتاع كسكي في مصر وبيعمل أرز باللبن حكاية، وتقدروا تحطوا عليه أي اضافات تحبوها سواء مكسرات أو قشطة أو بسبوسة، مش قلنالكم أكلة بتحبكم مبسوطين.
العنوان: 70 شارع ماري جرجس أمام مسجد عمرو بن العاص – مصر القديمة.
رقم التليفون: 01000562055.
صفحة الفيسبوك من هنا.
حلواني صابر
شعارهم صابر هو الحلو والحلو هو صابر، وبيعملوا أرز باللبن من اللي قلبكم يحبوا، وهتستطعموا كل ملعقة منه، سواء بإضافات أو من غيرها.
العنوان: ميدان لبنان – المهندسين.
4 شارع عباس العقاد – مدينة نصر.
رقم التليفون: 0233044138 – 0222639738.
صفحة الفيسبوك من هنا.
المالكي
إحنا اتولدنا وعرفنا الحلويات والأرز باللبن من أهلنا، ثم المالكي، لأنه من أقدم الأسماء اللي موجودة في مصر بتقدم طبق أرز باللبن مميز ومعروف طعمه المميز واستخدامه لبن طبيعي 100%، وله فروع كتير جدًا في القاهرة.
العنوان: 16 شارع عبد الخالق ثروت – تقاطع طلعت حرب – وسط البلد.
رقم التليفون: 19017.
صفحة الفيسبوك من هنا.
سارة البطة
جودتهم عالمية وسعرهم محلي، وبيقدموا واحد من أهم أطباق الأرز باللبن في مصر، وعندهم فروع كتير هتوفر جودة وسعر مثالي.
العنوان: مول المعز – بجوار الجامعة الكندية – الشيخ زايد.
برج 6 – المحور المركزي – أبراج المدينة المنورة – بجوار مسجد الحصري.
رقم التليفوم: 01125555616 – 01100523242.
صفحة الفيسبوك من هنا.
المدينة المنورة
كل منتجاتهم لبن طبيعي وبيعملو أرز باللبن سواء عادي أو فرن بطعم جميل، وهنا هما مميزين أن ماعندهمش أي افتكاسات خالص هو أرز باللبن كلاسيكي بدون أضافات، والطعم هيسمع في القلب، وهما عندهم 5 فروع في القاهرة حتى الآن.
العنوان: 1/7 شارع اللاسلكى، تقاطع شارع النصر، المعادى الجديدة.
رقم التليفون: 01065527805 – 0225169311
صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
