The Definitive Guide to Living in the Capital , Cairo , Egypt

القاهرة طول الوقت فيها أحداث ثقافية وفنية مهمة، وعلشان كده هي عاصمة الفن والثقافة العربية، وفي نوفمبر الجاي هتنطلق فعاليات الدورة الرابعة من “جائزة القاهرة للتصميم Cairo Design Award”، واللي بتهتم بالتركيزعلى فنيات وإنجازات المصممين المصريين المتميزين.

تعالوا نتعرف أكتر على الجائزة دي من خلال 3 معلومات فيهم الخلاصة:

1 – بيتجمع في “جائزة القاهرة للتصميم” مجموعة كبيرة من كبار المبدعين في مجالات التصميم المختلفة، وأكبر عدد من الموزعين والمصنعين والفنانين الموهوبين في مكان واحد، وده لعرض إنجازاتهم وإبداعاتهم التصميمية اللي حققوها على مدار سنوات علشان يتم تكريمهم.

2 – هتشهد الدورة الرابعة من الجائزة جلسات نقاشية هيتحاور فيها أهم المصممين المشاركين في المعرض، وهتنطلق تحت عنوان “هوية التصميم المصرية” وهتناقش العلاقة بين الهوية المصرية والتصميم.

3 – هتخصص “جائزة القاهرة للتصميم” السنة دي 3 جوائز هتقدم لـ 3 فائزين في كل فئة من ٦ فئات أساسية، وهي “الهندسة المعمارية، هندسة المسطحات، الديكور، تصميم الحُلي، الديكور السينمائي” و بالإضافة إلي تصميم المنتجات”، وهتتكون لجنة التحكيم من عدد من الخبراء بينهم: مهندس الديكور السينمائي أُنسي أبو سيف، مهندس الديكور السينمائي محمد عطية.

اعرفوا تفاصيل أكتر عن جائزة القاهرة للتصميم من هنا.