كل اللي محتاج تعرفه عن “مهرجان فنون الأداء” في دورته الأولى
أشرف زكي أكاديمية الفنون الدكتور عصمت يحي المعهد العالي للفنون الشعبية المعهد العالي للفنون المسرحية مهرجان فنون الأداء
Mohamed Talaat
بدأ المعهد العالي للفنون الشعبية برئاسة الدكتور “أشرف زكي” – رئيس أكاديمية الفنون ونقيب المهن التمثيلية – الدورة الأولى لـ “مهرجان فنون الأداء” واللي انطلقت باسم “الدكتور عصمت يحي”، وبدأت فاعلياتها الإثنين 29 يوليو، وهتستمر للسبت 3 أغسطس، على مسرح المعهد العالي للفنون المسرحية.
المهرجان هيكون خارج الإطار التعليمي لطلبة المعهد العالي للفنون الشعبية، وهدفه هو تطوير إبداع الطلاب وقدراتهم، وعلشان كده هيحكم فيه مجموعة من نجوم المسرح والنقاد، وهو أول تجربة إبداعية مستلهمة من التراث الشعبي، واللي بدأت بزيارات للأماكن الشعبية، للتعرف على التراث وتأصيله علشان يساعد الطلاب على الإبداع.
علي هامش المهرجان هيبقى فيه معرض فنون تشكيلية بإيد طلبة معهد الفنون الشعبية، وهيكون فيه معروضات ونماذج من التراث الشعبي، زي الحلي والملابس والعبايات وغيرها، وكمان معرض صور للرحلات الميدانية اللي كانت في سبيل البحث عن التراث الشعبي.
ممكن تتابع آخر أخبار المهرجان، وتشوف جدول العروض ومواعيدها من خلال صفحة “المعهد العالي للفنون الشعبية” على الفيسبوك من هنا.
مقترح
أفلام
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
