كل اللي محتاجين تعرفوه عن حفلة (ياني – Yanni) في الساحل الشمالي
Yanni الساحل الشمالي ماونتن فيو ياني
Omar Abd-elmaqsoud
بدأ العد التنازلي لحفلة الموسيقار العالمي (ياني- Yanni) واللي هتقام تحديدًا في 26 من الشهر الحالي، وسط توقعات بإنها هتكون حفلة استثنائية كعادة حفلات (ياني) العالمية، وخصوصًا إنها هتقام في مكان ساحر زي “ماونتن فيو رأس الحكمة” في “الساحل الشمالي”.
الحفلة الجايه لـ (ياني) هتكون مميزة زي الحفلة الأسطورية اللي قدمها في أواخر أكتوبر 2015 في الأهرامات، ومن المتوقع إنه يقدم خلال حفلته الجاية مجموعة كبيرة ومتنوعة وقديمة وجديدة من أشهر مؤلفاته الموسيقية، واللي بتتمتع بشهرة واسعة جدًا على مستوى العالم، واللي منها “Thirst for Life”، و”Our Days”، و”Can’t Wait”،و “What You Get”.
ياني (64 سنة) يعتبر واحد من أشهر مؤلفين الموسيقى في العالم، وهو في الأصل عازف بيانو، وليه أصول يونانية، وبدأ مشواره في عالم الموسيقى والشهرة مع صدور أول ألبوماته واللي سماه “متفائل” وانتجه سنة 1980 وكان وش السعد عليه، لإنه من بعدها انطلق في عالم الموسيقى، وكسب شهرة عالمية وحب الجمهور ومحدش قدر ينافسه فيها أو يوقفه.
جزء مهم من عالمية (ياني) كان بسب توليفات المزيكا الجديدة اللي بيبتكرها، وبيمزج فيها بين الشرقي والغربي، ده غير إنه دخل آلات موسيقية جديدة للموسيقى بتاعته.
ممكن تعرفوا تفاصيل أكتر عن الحفلة من خلال الإيفينت من هنا.
وممكن تعرفوا أسعار التذاكر وتحجزوا بشكل مباشر من هنا.
مقترح
أفلام
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
