The Definitive Guide to Living in the Capital , Cairo , Egypt

الصور من صفحة مسرح الطليعة على فيسبوك.

بعد تواصلنا مؤخرًا مع القائمين على مسرح الطليعة بميدان العتبة، واللي موجود خلف المسرح القومي، عرفنا إن  مسرحية “الحب في زمن الكوليرا ” رجعت من تاني لخشبة المسرح العريق. وحاليًا هتقدروا تتفرجوا على العرض المميز اللي حقق نجاح كبير وحصل على جائزة أفضل عرض مسرحي في الدورة الأخيرة للمهرجان القومي للمسرح المصري 2022.

في السطور الجاية هنعرفكم على 5 معلومات عن المسرحية المهمة دي، من ضمنها سعر التذكرة والمواعيد وأكثر.

1 – الأيام اللي هتُعرض فيها المسرحية هي: الأربعاء 8 فبراير، الخميس 9 فبراير، الجمعة 10 فبراير، السبت 11 فبراير، الخميس 16 فبراير، الجمعة 17 فبراير، السبت 18 فبراير، الخميس 23 فبراير، الجمعة 24 فبراير، السبت 25 فبراير، الخميس 2 مارس، الجمعة 3 مارس، السبت 4 مارس.

2 – دخول الجمهور متاح الساعة 7 مساءً، وبيُرفع الستار الساعة 7.30 مساءً، والعرض على قاعة زكي طليمات علي مسرح الطليعة بالعتبة.

3 – مسرحية “الحب في زمن الكوليرا” هي معالجة مسرحية لرائعة جابرييل جارثيا ماركيز اللي بتحمل نفس الاسم.

4 – فريق عمل المسرحية: كتابة مينا بباوي، وأشعار حامد السحرتي، وموسيقي وألحان وليد الشهاوي، وتصميم استعراضات محمد ميزو، وتصميم ديكور مينا رضا، وتصميم أزياء مها عبد الرحمن، وتصميم إضاءة عز حلمي، وإخراج السعيد منسي، وهي من إنتاج مسرح الطليعة، البيت الفني للمسرح، وزارة الثقافة المصرية.

5 – سعر التذكرة 42 جنيه، وحجز التذاكر من المسرح فقط وللأسف مافيش حجز أونلاين، وشباك التذاكر متاح  بالمسرح من 4 عصرًا أيام العرض.

حاجات تاخد بالك منها لو هتروح العرض

بلاش تروح بملابس لا تليق بالمسرح.

ممنوع التصوير نهائيًا بالهاتف المحمول أو بكاميرات سواء فوتوغرافيا أو فيديو .

غلق الهاتف المحمول أثناء  مشاهدة المسرحية .

ويمنع دخول الأطفال أقل من ٦ سنوات نهائيًا.

وأخيرًا..

العنوان: مسرح الطليعة بالعتبة بجوار محطة مترو العتبة. للوصول للمسرح من خلال خرائط جوجل (الرابط).

وده رابط جروب واتس آب خاص باستفسارات جمهور مسرح الطليعة (الرابط).