أحمد برعي.. حكاية عاشق الرقص الصوفي المعاصر
أماكن لتعليم الرقص الصوفي رقص صوفي رقص صوفي معاصر مدرب الرقص أحمد برعي
Mohamed Talaat
بتقوم فكرة الرقص الصوفي الأساسية على الالتفاف حول النفس، ودي دلالتها أنها بتكون احتفال بالكون ودورة الحياة، وبيُطلق على النوع ده من الفن “الدوران” و”رقص الدراويش”، ومنه خرجت رقصة “التنورة” اللي أصبحت احتفال تقليدي شعبي، والمدرب أحمد برعي هو واحد من أهم مدربي الرقصات الصوفية في مصر، وهو خريج مسرح كلية التجارة زي ما بيحب يقول على نفسه، وبدء الرقص المعاصر سنة 2012.
في السطور الجاية هنعرفكم أكتر على “برعي” وحكايته مع الرقص الصوفي.
1- أحمد برعي اتعلم أسرار الدوران على يد المدرب المصري “مختار حكيم” سنة 2010، والمدرب التركي “زاي عزازي” سنة 2017، وهو خريج مدرسة ماعت للرقص المعاصر.
2- هو مؤسس فريق “إسمه إيه” لفنون الأداء، وهو مخرج أساسي في الفريق.
3- صمم أحمد برعي رقصات كتير لعروض مسرحية على مدار السنين اللي فاتت، ونجح بمهارة كبيرة في دمج الرقص الصوفي في عروض فنية مختلفة.
4- معروف عن أحمد برعي دقته الشديدة في شغله واجتهاده في الفن وحبه لمشاركة خبراته في الحركة والعمل الجماعي والارتجال.
5- المدرب أحمد برعي له خبرة كبيرة في تدريب الرقص للأطفال والكبار، وحاليًا بيعمل ورش للأطفال المعرضين للخطر لتدريبهم على الرقص المعاصر.
