The Definitive Guide to Living in the Capital , Cairo , Egypt

طول ما رغبة المصريين فى التزين والتجميل بصحة وعافية، صالونات التجميل هـ تفضل مطلوبة فى القاهرة، سواء للأفراح أو لسهرة مثيرة فى تاماراي. فى مكان مستخبى فى الدور الأول من عمارة سكنية فى الزمالك، صالون “بول رينو – Paul Raynault” مكانه وراء باب كبير بدون اسم. زمان، كان مرتبط بفيلا 36 اللى قفلت دلوقت، وقدر المصفف الفرنسى يبنى سمعة كويسة فى المدينة.

بـ يقدم الصالون مجموعة متكاملة من الخدمات تشمل كل أنواع إزالة الشعر بالشمع والفتلة. قص الشعر سعره 185 جنيه، أما علاج تقصف الجذور بـ 70 جنيه بس، وبالنسبة للصبغة فأسعارها يتراوح بين 200- 350 جنيه للشعر الطويل. طبعًا موجود مانيكير (40 جنيه) وباديكير (35 جنيه) بمجموعة رائعة من الطلائات تختارى من بينها.

الصالون بديكوراته المستخدم فيها درجات الرمادى، أسمنت وستنالس ستيل بـ يقدم طابع صناعى وشكل متطور. منطقة التصفيف الرئيسية فيها سطح طويل، مرايات معلقة ودواليب تشبه الخزينة مخفية فى الأسفل. صحيح الشكل العام يعتبر معتدل ومتنفذ كويس، لكنه كان مكشوف جدًا، وده نقص خلانا نشعر بشوية عصبية، على العموم الأحجار الزمردية بـ توفر نوع من الدفء، مع جو مريح معاصر فى المنتجع الصحى. 

مع وصولنا متأخرين وبدون حجز مسبق، فوجئنا أنهم أقنعونا بعمل تقشير (90 جنيه) ومانيكير (40 جنيه). على طول لبسنا الروب ووصلونا للكراسى المسطحة عند الأحواض. كان شيء مريح أننا نشوف مخادع رقبة من الجلد، قبل ما يبدأوا فى غسل شعرنا. عملية فك الجدائل للأسف استمرت وقت طويل وكانت مؤلمة زيادة عن اللزوم، والمدهش أن تدليك الرأس التقليدى ما حصلش فى مرحلة الغسيل بالشامبو.

بعد مناقشة مختصرة مع مصفف الشعر الخاص بنا، بدأ ينفذ تمويج الشعر، وفى نفس الوقت مقلمة الأظافر بدأت تشتغل. الاثنين اشتغلوا تقريبًا نفس المدة، مسؤولة المانيكير جهزت أظافرنا والجلد المحيط بكل دقة استعدادًا للطلاء الفرنسى واللى فضل متماسك لأيام. مصفف الشعر كان بـ يشتغل كفنان حقيقة، بـ يضبط كل شعره فى مكانها بأداة للتمويج، والنهاية كانت مع طبقة خفيفة من مثبت شعر قوى.

بغض النظر عن شد الشعر المستمر فى أول الموضوع، طلعنا من صالون بول رينو بإحساس يجمع بين التدليل والجمال وده هو الهدف الرئيسى من زيارة أى صالون. الديكور الصناعى الغريب يمكن خانه التوفيق، لكن الخدمة الاحترافية الماهرة هى معيار التقييم الأهم.