5 أماكن في القاهرة بتعمل فطير مشلتت علي كيفك
أماكن بيع فطير وعسل في القاهرة فطير فلاحي في القاهرة فطير مشلتت فطير وعسل
Cairo 360
رنا شرف
الفطير المشلتت متعة كبيرة، خاصةً مع العسل الأسود والجبنة القديمة، دي أكلة تراثية مصرية أصيلة كلنا بنحبها، سواء كنا كبار أو صغيرين، وتنفع معاك الصبح بدري كإفطار أو كغدا أو حتي عشا. أكلة بتفكرنا بالريف المصري الجميل الأصيل، كمان منتشرة في الصعيد.
خلونا نعرفكم على 5 أماكن في القاهرة بتقدم فطير مشلتت بطعم ريف مصر.
العزبة دوت كوم
مكان فيه كل حاجة فلاحي، عندهم فطير مع عسل وقراقيش، وكمان عاملين وجبات خاصة للأطفال.
تقدروا تتواصلوا مع العزبة دوت كوم من هنا.
فطير نوارة
المكان مش بس بيقدم فطير مشلتت، دول عندهم كمان عسل أسود وأبيض، وجبنة قريش، وكسكسي، يعني الأكلات الريفية الجميلة. كمان عندهم شوربة وبط نوارة.
تقدروا تتواصلوا مع فطير نوارة من هنا.
فطير مزارع دينا
ماينفعش نقول فطير مشلتت من غير ما نجيب سيرة أشهر فطير بجودة عالية في القاهرة. مزارع دينا بتقدم فطير مميز أخد شهرة كبيرة لدرجة أنه بقي براند خاص اسمه فطيرة مزارع دينا.
ممكن تتواصلوا معهم من هنا.
سترو – صحتك فلاحي
من الأماكن المميزة اللى بتقدم فطير مشلتت بجودة عالية مع كل مستلزماته زي العسل والجبن وعيش البتاو وغيرها من المنتجات.
تقدروا تتواصلوا معاهم من هنا.
صابح
لو نفسك في فطير مع أحلى جبنة قريش وشوية عسل يبقي عليك وعلى صابح، اللي بيقدموا الفطير المشلتت الفلاحي المميز بطعمه ورائحته اللي هتنقلك لأرياف مصر وأنت في مكانك.
تقدروا تتواصلوا معاهم من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
