The Definitive Guide to Living in the Capital , Cairo , Egypt

الشيكولاتة هي سر السعادة، ودايمًا هي اللي بتدينا طاقة ومود مميز، واللي ممكن ماتكونوش تعرفوه هو إن الشيكولاتة ممكن تبقى علاج للكحة والضغط العصبي والتوتر والاكتئاب، خصوصًا لو كانت نوعيتها مميزة، علشان كده في السطور الجاية هنقول لكم على 5 أماكن تقدروا تشتروا منهم الشيكولاتة بسعر مميز وجودة عالية، وإحنا بننصحكم تطلبوها دليفري وأنتم في البيت وتلتزموا بعدم الخروج في ظل تفشي فيروس كورونا المستجد.

Be Happy

عندهم مجموعة متنوعة من الشيكولاتة زي ميلكا ورينر سبورت وتوبليرون وغيرهم، والبيع أونلاين معندهمش مكان، بيوصلوا لمناطق (مصر الجديدة – مدينه نصر – التجمع – الرحاب – الشروق – مدينتي – حدائق الأهرام)، وقريب هيوصلوا لكل حته في مصر.

علشان تطلبوا من عندهم تقدروا تزوروا صفحة الفيسبوك من هنا.

تاجر السعادة مشمش

عندهم 4 فروع “رمسيس – المهندسين – القلعة – مدينة نصر”، وبيبيعوا كل أنواع الشيكولاتة، وعندهم أنواع كتير جدًا منها كيت كات وكيندر وجلاكسي، وغيرهم، والتوصيل متاح للقاهرة الكبرى.

علشان تطلبوا منهم أي أنواع شيكولاتة تقدروا تتواصلوا معاهم عن طريق صفحة الفيسبوك من هنا.

Sweet Shop

مقرهم في جامعة الدول العربية، وعندهم أنواع مختلفة، زي بروكسايد و M&M’s وروشير وغيرهم من الأنواع الكتير اللي أكيد هتحبوها، وعندهم خدمة التوصيل كمان.

وتقدروا تطلبوا اللي محتاجينه من خلال صفحتهم على فيسبوك من هنا.

Coca chocolate

مميزين بعروضهم وعندهم كل أنواع الشيكولاتة اللي هتحبوها زي باونتي، مارس، أفتر لايت، ليندور، سنيكرس، وشيكولاتة يوناني، وحاليًا وبسبب الحظر التوصيل مقتصر على مناطق مدينة نصر ومصر الجديدة.

ولو عاوزين تعرفوا تفاصيل أكتر زوروا صفحتهم على الفيسبوك من هنا.

الروبي

دول عندهم كل ما لذ وطاب من أنواع الشيكولاتة، ريزيس وميلكا وكولا هاريبو ونوتيلا وتوفي بولندي وغيرهم، والتوصيل عندهم من خلال تطبيق مرسول لأي مكان في القاهرة الكبرى.

علشان تعرفوا أكتر وتختاروا الشيكولاتة اللي بتحبوها زوروا صفحتهم على فيسبوك من هنا.